ବାରିପଦା: ଗୋଚର ଜମି ଜବରଦଖଲକୁ ନେଇ ମୟୂରଭଞ୍ଜ ଜିଲ୍ଲା ମୋରଡା ଥାନା ଅନ୍ତର୍ଗତ ମହୁଲବଣୀ ଗ୍ରାମରେ ଗତ ଜୁନ ୧୦ ତାରିଖ ଦିନ ହରେକୃଷ୍ଣ ମହାନ୍ତ ନାମକ ଜଣେ ନାବାଳକକୁ 3 ଜଣ ଗୋଡ଼ାଇ ଗୋଡ଼ାଇ ହତ୍ୟା କରିଥିଲେ । ତେବେ ମୋରଡ଼ା ପୋଲିସ ଘଟଣା ଦିନ ଦୁଇ ଜଣଙ୍କୁ ଗିରଫ କରିଥିଲା । ହତ୍ୟା ପରେ ମୁଖ୍ୟ ଅଭିଯୁକ୍ତ ଫେରାର ଥିଲା ।
ଗୋଚର ଜାଗା ଜବରଦଖଲ ନେଇ ନାବାଳକ ହତ୍ୟା ଘଟଣା: ମୁଖ୍ୟ ଅଭିଯୁକ୍ତ ସହ 3 ଗିରଫ
ମୋରଡ଼ା ପୋଲିସ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି । ମୁଖ୍ୟ ଅଭିଯୁକ୍ତ ପଦ୍ମଲୋଚନ ମହାନ୍ତ ଓ ତାଙ୍କ ଦୁଇ ଜଣ ସହଯୋଗୀ ଜତିନ୍ଦ୍ର ମହାନ୍ତ ଓ ଶୋଭାକର ମହାନ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି । ଅନ୍ୟପକ୍ଷରେ ହତ୍ୟାକାଣ୍ଡରେ ବ୍ୟବହୃତ ହୋଇଥିବା ଟାଙ୍ଗିଆକୁ ମଧ୍ୟ ଜବତ କରିଛି ପୋଲିସ । ଏନେଇ ମୋରଡ଼ା ଥାନାରେ ୧୨୭/୨୧ ଏକ ହତ୍ୟା ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ପୋଲିସ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
