ରାଇରଙ୍ଗପୁର: ପୁଣି ଦନ୍ତା ହାତୀ ନେଲା ଆଉ ଜଣେ ମହିଳାଙ୍କ ଜୀବନ। ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅନ୍ତର୍ଗତ ପିଢାକଟା ଜଙ୍ଗଲରେ ଘଟିଛି ଏପରି ଏକ ଅଭାବନୀୟ ଘଟଣା।
ପୁଣି ଦନ୍ତା ହାତୀ ନେଲା ଆଉ ଜଣେ ମହିଳାଙ୍କ ଜୀବନ
ସୂଚନାନୁଯାୟୀ, ପନଖି ଗ୍ରାମର ଖଡିଆ ସମ୍ପ୍ରଦାୟର କେଶବ ଦେହୁରୀ ଓ ତାଙ୍କ ସ୍ତ୍ରୀ ପୁନାସୀ ଦେହୁରୀ ସନ୍ଧ୍ୟା ସମୟରେ ପୀଢାକଟା ଜଙ୍ଗଲ ଦେଇ ପୁନାସୀ ବାଙ୍କୀ ଗ୍ରାମକୁ ଯାଉଥିଲେ। ତେବେ ପିଢାକଟା ଜଙ୍ଗଲରେ ଏକ ଦନ୍ତା ହାତୀ ହାବୁଡରେ ପଡି ଯାଇଥିଲେ। ଦନ୍ତା ହାତୀଟି ପୁନାସୀ ଦେହୁରୀଙ୍କୁ ଆକ୍ରମଣ କରି ଦଳି ଦେଇଥିଲା ଫଳରେ ଘଟଣାସ୍ଥଳରେ ହିଁ ପୁନାସୀ ଦେହୁରୀଙ୍କ ମୃତ୍ୟୁ ଘଟିଥିଲା।
ବନବିଭାଗ ଏ ସମ୍ପର୍କରେ ଖବର ପାଇ ଘଟଣାସ୍ଥଳରେ ପହଞ୍ଚିଥିବା ଜଣାପଡିଛି। ତେବେ କିଛି ଦିନ ପୂର୍ବରୁ ଉକ୍ତ ଦନ୍ତା ହାତୀ ଆକ୍ରମଣରେ ଜଣେ ନାବାଳିକା ଓ ଜଣେ ମହିଳାଙ୍କ ମୃତ୍ୟୁ ଘଟିଥିଲା।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
