ରାଇରଙ୍ଗପୁର: ଟ୍ରକ ଚାପାରେ ଯୁବକଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତ ଯୁବକ ଜଣକ ବାଙ୍ଗିରୀପୋଷି ଥାନା ଅଞ୍ଚଳର ଦେବାଶିଷ ବେହେରା ବୋଲି ଜଣାପଡିଛି। ସୂଚନା ଅନୁସାରେ, ଆଜି (ଶୁକ୍ରବାର ) ଆଦିବାସୀ ମହାସଭା ତରଫରୁ ମୟୂରଭଞ୍ଜ ବନ୍ଦ ଡ଼ାକରା ଦିଆଯାଇଥିବାରୁ ଟ୍ରକ ଗୁଡିକ ଛିଡ଼ା ହୋଇଥିଲା। ସନ୍ଧ୍ୟା ସମୟରେ ଟ୍ରକଟି ଆଗକୁ ବଢିବା ସମୟରେ ଯୁବକଙ୍କ ମୁଣ୍ଡ ଉପରେ ଟ୍ରକର ପଛ ଚକଟି ମାଡ଼ି ଯାଇଥିଲା। ଫଳରେ ଘଟଣାସ୍ଥଳରେ ହିଁ ଯୁବକ ଜଣକଙ୍କ ପ୍ରାଣବାୟୁ ଉଡି ଯାଇଥିଲା। ତେବେ ଯୁବକ ଜଣକ ଚକ ତଳେ ଶୋଇଥିଲେ କି ଚାଲିଚାଲି ଯାଉଥିଲେ ତାହା ଜଣାପଡ଼ିନାହିଁ।
ରାଇରଙ୍ଗପୁର ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନାକୁ ପଠାଇଛି। ସେପଟେ ଟାଉନ ପୋଲିସ ଟ୍ରକକୁ ଜବତ କରିବା ସହ ତଦନ୍ତ ଆରମ୍ଭ କରିଛି। ତେବେ ଟ୍ରକ ଚାଳକ ଫେରାର ହୋଇଯାଇଥିବା ବେଳେ ମୃତ ଯୁବକ ଜଣକ ସ୍ଥାନୀୟ ହୋଟେଲର ଜଣେ କର୍ମଚାରୀ ବୋଲି ଜଣାପଡିଛି।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
