ବାରିପଦା : ସ୍ତ୍ରୀ ଶାନ୍ତି ସିଂଙ୍କୁ ଲୁହା ରଡ୍ ଯୋଗେ ହତ୍ୟା କରି ଦୁଇ ପିଲାଙ୍କୁ ଘରୁ ବାହାରକୁ ନେଇ ଆସି ଘରେ ନିଆଁ ଲଗାଇ ଦେଇଥିଲା ସ୍ବାମୀ । ପରେ ବାଙ୍ଗିରିପୋଷି ଥାନାରେ ନିଆଁରେ ପୋଡ଼ି ସ୍ତ୍ରୀକୁ ହତ୍ୟା କରିଥିବା ନେଇ ଆତ୍ମସମର୍ପଣ କରିଥିିଲା ଅଭିଯୁକ୍ତ ସ୍ୱାମୀ ଲାଲ ମୋହନ ସିଂ ।
ସ୍ତ୍ରୀକୁ ହତ୍ୟା ଅଭିଯୋଗରେ ସ୍ୱାମୀକୁ ଆଜୀବନ କାରାଦଣ୍ଡ
ଲାଲ ମୋହନ ଏବଂ ଶାନ୍ତି ଭଲପାଇ ବିବାହ କରିଥିଲେ । କିନ୍ତୁ ପରବର୍ତ୍ତୀ ସମୟରେ ତାଙ୍କ ମଧ୍ୟରେ ଘରୋଇ କଳି ଆରମ୍ଭ ହୋଇଥିଲା । ଯାହାକୁ ନେଇ ଅଭିଯୁକ୍ତ ଲାଲ ମୋହନ ସ୍ତ୍ରୀ ଶାନ୍ତିଙ୍କୁ ହତ୍ୟା କରିଥିଲେ । ଏହି ଘଟଣାରେ ବାଙ୍ଗିରିପୋଷି ପୋଲିସ ମାମଲା ରୁଜୁ କରିଥିଲା ।
ଆଜି ସମସ୍ତ ସାକ୍ଷୀ ପ୍ରମାଣକୁ ଭିତ୍ତି କରି ଜିଲ୍ଲା ଦୌରା ଜଜ୍ ଦଫା ୪୯୮ଏ, ୩୦୨, ୪୩୬, ୨୦୧ ଆଇ.ପି.ସି ଅନୁସାରେ ଅଭିଯୁକ୍ତ ଲାଲ ମୋହନ ସିଂ ଙ୍କୁ ୭୫/୧୮ରେ ଆଜୀବନ କାରାଦଣ୍ଡାଦେଶ ଦେବା ସହ ୧୦ ହଜାର ଟଙ୍କା ଜୋରିମାନା କରିଥିବାର ସରକାରୀ ଓକିଲ ସସ୍ମିତା ମହାପାତ୍ର ସୂଚନା ଦେଇଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
