ରାଇରଙ୍ଗପୁର : ସ୍ତ୍ରୀକୁ ପଥରରେ ଛେଚି ଛେଚି ମାରିଲା ସ୍ବାମୀ । ମଦ ପିଇ ଏଭଳି କାଣ୍ଡ ଭିଆଇଛି ସ୍ବାମୀ । ମୟୂରଭଞ୍ଜ କରଞ୍ଜିଆ ଥାନା ଅନ୍ତର୍ଗତ ସିଆଳିନଇଁ ବସ୍ତିରେ ଘଟିଛି ଏଭଳି ଏକ ଅଭାବନୀୟ ଘଟଣା ।
ସିଆଳିନଇଁ ଠାରେ ବନବିଭାଗ ଦ୍ବାରା ବିସ୍ଥାପିତ ହୋଇ ଆସିଥିବା କିଛି ଖଡ଼ିଆ ପରିବାର ଏଠାରେ ରହୁଛନ୍ତି । ହେଲେ ଏଠାରେ ସୋମବାର ଦେଖିବାକୁ ମିଳିଛି ଏକ ଅଭାବନୀୟ ଦୃଶ୍ୟ । ଦିନ ଦି ପହରରେ କୌଣସି କାରଣ ଯୋଗୁଁ ସ୍ବାମୀ ସ୍ତ୍ରୀ ଙ୍କ ମଧ୍ୟରେ କଥା କଟାକଟି ହୋଇଥିଲା। ଏଥିରେ ସ୍ବାମୀ ଶ୍ୟାମ ସୁନ୍ଦର ଦେହୁରୀ ଉତ୍ତେଜିତ ହୋଇ ସ୍ତ୍ରୀ ସୁଟିକୀ ଦେହୁରୀକୁ ପଥରରେ ମୁଣ୍ଡକୁ ଶକ୍ତ ଆଘାତ ଦେବା ଫଳରେ ସ୍ତ୍ରୀର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା ।
ଖବର ପାଇ କରଞ୍ଜିଆ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ଯାଞ୍ଚ କରିବା ସହିତ ସ୍ବାମୀ ଶ୍ୟାମସୁନ୍ଦର ଦେହୁରୀକୁ ଅଟକ ରଖି ଅଧିକ ତନାଘନା କରୁଛି ।
ରାଇରଙ୍ଗପୁରରୁ ସଞ୍ଜୀବ କୁମାର ପରିଡା, ଇଟିଭି ଭାରତ
