ଲାଞ୍ଚ ନେଇ ବନ୍ଧା ହେଲେ ଉଦ୍ୟାନ କ୍ଷେତ୍ର ସଂପ୍ରସାରଣ ଅଧିକାରୀ

ମୟୂରଭଞ୍ଜ ଜିଲ୍ଲା ସୁକୃଳି ବ୍ଲକ ଉଦ୍ୟାନ ବିଭାଗ ଦାୟିତ୍ବରେ ଥିବା କ୍ଷେତ୍ର ସଂପ୍ରସାରଣ ଅଧିକାରୀ ମନୋଜ ସାହୁ ଶୁକ୍ରବାର ମୟୁରଭଞ୍ଜ ଭିଜିଲାନ୍ସ ବିଭାଗ ଦ୍ବାରା ଗିରଫ ହୋଇଛନ୍ତି ।

ରାଇରଙ୍ଗପୁର: ଲାଞ୍ଚ ନେବାବେଳେ ଭିଜିଲାନ୍ସ ଜାଲରେ ଧରାପଡିଲେ ଉଦ୍ୟାନ କ୍ଷେତ୍ର ସଂପ୍ରସାରଣ ଅଧିକାରୀ। ମୟୂରଭଞ୍ଜ ଜିଲ୍ଲା ସୁକୃଳି ବ୍ଲକ ଉଦ୍ୟାନ ବିଭାଗ ଦାୟିତ୍ବରେ ଥିବା କ୍ଷେତ୍ର ସଂପ୍ରସାରଣ ଅଧିକାରୀ ମନୋଜ ସାହୁ ଶୁକ୍ରବାର ମୟୁରଭଞ୍ଜ ଭିଜିଲାନ୍ସ ବିଭାଗ ଦ୍ବାରା ଗିରଫ ହୋଇଛନ୍ତି ।

ଉଦ୍ୟାନ ସାଥି ଚନ୍ଦ୍ର ବୈପାଇଙ୍କ ପାଖରୁ 6,500 ଟଙ୍କା ଲାଞ୍ଚ ନେଉଥିବା ବେଳେ ଧରାପଡିଛନ୍ତି ମନୋଜ। ମନରେଗା ବିଲ ପାସ୍ କରାଇବା ପାଇଁ ଲାଞ୍ଚ ଟଙ୍କା ନେଉଥିବା ସୂଚନା ଦେଇଛନ୍ତି ଭିଜିଲାନ୍ସ ଏସପି ଶରତ ମହାପାତ୍ର । ମନୋଜ ସାହୁଙ୍କୁ ଗିରଫ କରି ଜିଲ୍ଲା କାର୍ଯ୍ୟାଳୟକୁ ନେଇ ଯାଇଥିବା ସୂଚନା ମିଳିଛି ।

ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ