ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ମଝିଗାଁ ଗ୍ରାମ ନିକଟସ୍ଥ ୪୯ ନଂ ଜାତୀୟ ରାଜପଥରେ ଥିବା ଏକ ପୋଲରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ପୋଲରେ ମୃତଦେହ ଝୁଲୁଥିବା ଖବର ପାଇ ଘଟଣା ସ୍ଥଳରେ ବିଶୋଇ ଥାନା ପୋଲିସ ପହଞ୍ଚିଥିଲେ । ଅଧିକ ତଦନ୍ତ ପାଇଁ ରାଇରଙ୍ଗପୁର ଏସଡିପିଓ ଓ ସାଇଣ୍ଟିଫିକ ଟିମ୍ ମଧ୍ୟ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଥିଲେ ।
ତେବେ ମୃତ ଯୁବକ ଜଣକ ଖୁଣ୍ଟା ଥାନା କାହ୍ନୁପୁର ଗ୍ରାମର ଭାସ୍କର ପାତ୍ରଙ୍କ ପୁଅ ପ୍ରମୋଦ ପାତ୍ର ବୋଲି ପୋଲିସ ପକ୍ଷରୁ ଚିହ୍ନଟ କରାଯାଇଛି । ତେବେ ପ୍ରମୋଦ ନୁଆଡିହି ଗ୍ରାମରେ ରହି ଟେଣ୍ଟ ହାଉସ କରି ବ୍ୟବସାୟ କରୁଥିଲେ । ସେପଟେ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନା ପଠାଯାଇଥିବା ବେଳେ ପାରିପାର୍ଶ୍ବିକ ସ୍ଥିତିରୁ କେହି ତାଙ୍କୁ ହତ୍ୟା କରି ପୋଲରେ ଟାଙ୍ଗି ଦେଇଥିବା ପୋଲିସ ସନ୍ଦେହ କରି ତଦନ୍ତ ଜାରି ରଖିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
