ରାଇରଙ୍ଗପୁର: ମୟୂରଭଞ୍ଜ ବିଶୋଇ ଥାନା ବାଙ୍କି ଗ୍ରାମ ପାହାଡ ସାହିରେ ଅଘଟଣ। ଝୁଲନ୍ତା ଅବସ୍ଥାରେ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି ।
ଝୁଲନ୍ତା ମୃତ ଦେହ ଉଦ୍ଧାର, ହତ୍ୟା ସନ୍ଦେହ
ସୂଚନା ଅନୁଯାୟୀ, ଗୋରୁମହିଷାଣୀ ଥାନା ଅଧୀନ କେନ୍ଦୁଆ ଗ୍ରାମର ବାରିସା ସୋରେନ ଚାରିଦିନ ହେବ ନିଖୋଜ ଥିଲେ । ଆଜି(ଶନିବାର) ବାଙ୍କି ଗ୍ରାମ ପାହାଡସାହିରେ ଥିବା ଏକ ଗଛରୁ ତାଙ୍କ ଗଳିତ ମୃତଦେହ ଝୁଲୁଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ବିଶୋଇ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ ଆରମ୍ଭ କରିଛି।
ତେବେ ଚାରିଦିନ ପୂର୍ବେ ସ୍ଥାନୀୟ ଲୋକେ ଉକ୍ତ ସ୍ଥାନରୁ ଏକ ସାଇକେଲ ପଡ଼ିଥିବା ଦେଖି ସାଇକେଲଟିକୁ ରଖି ଦେଇଥିଲେ । ଯାହାକୁ ଆଜି ପୋଲିସକୁ ହସ୍ତାନ୍ତର କରିଛନ୍ତି । ସେପଟେ ପାରିପାର୍ଶ୍ବିକ ସ୍ଥିତିରୁ ତାଙ୍କୁ ହତ୍ୟା କରାଯାଇଥିବା ଜଣାପଡ଼ୁଥିଲା ବ୍ୟବଚ୍ଛେଦ ରିପୋର୍ଟ ଆସିବାପରେ ଓ ପୋଲିସର ଅନୁସନ୍ଧାନ ପରେ ହିଁ ଘଟଣାର ସତ୍ୟାସତ୍ୟ ଜଣାପଡିବ ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
