ବାରିପଦା: ମୟୂରଭଞ୍ଜ ଜିଲ୍ଲା କପ୍ତିପଦା ବନଖଣ୍ଡ ନେଦାମ ସାଗର ସାହିରୁ ଛେଳିକୁ ଗିଳିଥିବା ଅଜଗରକୁ ଉଦ୍ଧାର କରିଛି ବନବିଭାଗ । ଖାଦ୍ୟ ଅନ୍ବେଷଣରେ ଶିମିଳିପାଳ ଅଭୟାରଣ୍ୟରୁ ଗାଁ ମୁହାଁ ହୋଇଥିଲା ଅଜଗର ।
ଛେଳିକୁ ଗିଳିଥିବା ଅଜଗରକୁ ଉଦ୍ଧାର କଲା ବନବିଭାଗ
ଗାଁ ମୁହାଁ ହୋଇ ଛେଳିକୁ ଗିଳି ଦେଇଥିଲା ଏହି ଅଜଗର । ନେଦାମ ଗାଁ ସାଗର ସାହିର ସାଗର ଗାଙ୍ଗରାମଙ୍କ ବାଡି଼ରେ ଅଜଗରଟି ପଶି ପୋଷା ଛେଳିକୁ ଗିଳୁଥିବା ଦେଖିବାକୁ ମିଳିଥିଲା । ଗ୍ରାମବାସୀ ଏହା ଦେଖି ବନ ବିଭାଗକୁ ଖବର ଦେଇଥିଲେ ।
ଖବର ପାଇ ବନବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ଅଜଗର ଠାରୁ ମୃତ ଛେଳିକୁ ଉଦ୍ଧାର କରିବା ସହ ଅଜଗରକୁ ସୁରକ୍ଷିତ ଭାବେ ପୁଣି ଥରେ ଶିମିଳିପାଳ ଅଭୟାରଣ୍ୟରେ ଛାଡି ଦେଇଥିବା ଜଣାପଡିଛି । ତେବେ ଏହି ଉଦ୍ଧାର ସମୟରେ ଅନେକ ଲୋକ ସାପକୁ ଦେଖିବାକୁ ଭିଡ଼ ଜମାଇଥିବା ଦେଖିବାକୁ ମିଳିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
