ବାରିପଦା: ନଦୀରେ ବୁଡି ଯୁବକଙ୍କ ମୃତ୍ୟୁ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଅଧିନ ବାରିପଦା ସହରରେ । ଗତକାଲି ବୁଢ଼ାବଳଙ୍ଗ ନଦୀରେ ଯୁବକ ଜଣକ ବୁଡି ଯାଇଥିବାବେଳେ ଆଜି(ବୁଧବାର) ପୋଡାଅସ୍ତିଆ ପୋଲ ନିକଟରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି ।
ବୁଢ଼ାବଳଙ୍ଗ ନଦୀରେ ଭାସିଯାଇଥିବା ଯୁବକଙ୍କ ମୃତଦେହ ଉଦ୍ଧାର କଲା ଅଗ୍ନିଶମ ବାହିନୀ
ସୂଚନାନୁଯାୟୀ ସ୍ଥାନୀୟ ସିନ୍ଦୁରଗୌରା ଅଞ୍ଚଳର ଗୁମୁଡି ଗ୍ରାମର ବାସୁଦେବ ନାଏକ ବାରିପଦାର ଏକ ଦୋକାନରେ କାର୍ଯ୍ୟ କରନ୍ତି । ସେ କାମସାରି ଘରକୁ ଫେରୁଥିବାବେଳେ କୌଣସି କାରଣବଶତଃ ନଦୀର ପାଣି ସୁଅରେ ଭାସି ଯାଇଥିଲେ। ତେବେ ଅଗ୍ନିଶମ ବାହିନୀ ବହୁତ ତାଙ୍କୁ ବହୁ ଖୋଜାଖୋଜି ଜାରି ରଖିଥିଲେ ସୁଦ୍ଧା ଯୁବକଙ୍କର କୌଣସି ପତ୍ତା ମିଳିପାରି ନଥିଲା ।
ତେବେ ଆଜି (ବୁଧବାର) ପୋଡାଅସ୍ତିଆ ପୋଲ ନିକଟରେ ମୃତଦେହଟି ଭାସୁଥିବା ନେଇ ଦେଖିବାକୁ ମିଳିଥିଲା । ଏହାପରେ ଅଗ୍ନିଶମ ବାହିନୀ ଉଦ୍ଧାର ମୃତଦେହକୁ ଉଦ୍ଧାର କରିଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
