ବାରିପଦା: ପର୍ଯ୍ୟଟନସ୍ଥଳୀ ଦେବକୁଣ୍ଡରେ ମୁହାଁମୁହିଁ ହେଲେ ଇକୋ ଟୁରିଜିମ୍ ସଦସ୍ୟ ଏବଂ ଦେବକୁଣ୍ଡ ଗ୍ରାମବାସୀ । ମୟୂରଭଞ୍ଜ ଜିଲ୍ଲା କୁଣ୍ଡାବାଇ ପଞ୍ଚାୟତରେ ଥିବା ପର୍ଯ୍ୟଟନସ୍ଥଳୀ ଦେବକୁଣ୍ଡରେ ଇକୋ ଟୁରିଜିମ୍ ସଦସ୍ୟ ଏବଂ ଦେବକୁଣ୍ଡ ଗ୍ରାମବାସୀ ମୁହାଁମୁହିଁ ହୋଇଛନ୍ତି । ଯାହାକୁ ନେଇ ଗୁରୁବାର ଉଭୟ ପକ୍ଷରୁ ଉଦଳା ଥାନାରେ ଏକ ଲିଖିତ ଅଭିଯୋଗ ହୋଇଛି।
ଦେବକୁଣ୍ଡରେ ଥିବା ପାଇପ ଲାଇନକୁ କେହି ଭାଙ୍ଗି ଦେଇଥିବା ବେଳେ ଏହାକୁ ନେଇ ଗ୍ରାମବାସୀଙ୍କ ଉପରେ ଦୋଷ ଲଦିଥିଲେ ଇକୋ ଟୁରିଜିମ୍ ସଦସ୍ୟ । ଯାହାକୁ ନେଇ ଇକୋ ଟୁରିଜିମ୍ ଏବଂ ଗ୍ରାମବାସୀ ମୁହାଁମୁହିଁ ହୋଇଥିଲେ । ଏପରିକି ଇକୋ ଟୁରିଜିମ୍ ସଦସ୍ୟ ସେହି ଗାଁର ମହିଳାମାନଙ୍କୁ ଗାଳିଗୁଲଜ କରିବା ସହିତ ମାଡ ମାରିଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଅନ୍ୟପଟେ ଗ୍ରାମବାସୀମାନେ ଇକୋ ଟୁରିଜିମ୍ ସଦସ୍ୟଙ୍କୁ ମାଡ ମାରିବା ସହିତ ସେମାନଙ୍କ ମୋବାଇଲ ଭାଙ୍ଗି ଗାଳିଗୁଲଜ କରିଥିବା ନେଇ ଇକୋ ଟୁରିଜିମ୍ ସଦସ୍ୟଙ୍କ ପକ୍ଷରୁ ଥାନାରେ ଏକ ଲିଖିତ ଅଭିଯୋଗ ହୋଇଛି । ଏହି ଘଟଣାକୁ ନେଇ ଉଭୟ ପକ୍ଷ ଥାନାରେ ରହିଥିବା ବେଳେ ପୋଲିସ୍ ଅଭିଯୋଗକୁ ଆଧାର କରି ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
