ବାରିପଦା: କୋରୋନା ସଂକ୍ରମଣ ରୋକିବାକୁ ସାନିଟାଇଜ ହେଉଛି ରାଜ୍ୟର ବିଭିନ୍ନ ଜନଗହଳି ସ୍ଥାନ। ମୟୂରଭଞ୍ଜର ବାରିପଦାରେ ମଧ୍ୟ ବିଶୋଧନ ସ୍ପ୍ରେ କରାଯାଉଛି । ଆଜି ଠାରୁ ଆସନ୍ତା ଗୁରୁବାର ପର୍ଯ୍ୟନ୍ତ ସହରର ବିଭିନ୍ନ ଗଳିକନ୍ଦି, ରାସ୍ତା ଘାଟ ସ୍ଥାନରେ ସ୍ପ୍ରେ କରାଯିବ ।
କରୋନା ମୁକାବିଲା, ବାରିପଦା ସହରରେ ସାନିଟାଇଜ ଆରମ୍ଭ
ପ୍ରଥମ ଦିନରେ ବାରିପଦା ସହରର ପାଲିବଣ ଠାରୁ ଆରମ୍ଭ କରି ଷ୍ଟେସନ ବଜାର, ବାଲେଶ୍ବର ଗୋଳେଇ , ମୁଖ୍ୟ ମାର୍କେଟ ସହ ଷ୍ଟିଲ ଗୋଲେଇ ପର୍ଯ୍ୟନ୍ତ ସ୍ପ୍ରେ କରାଯିବା ସହ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜକୁ ମଧ୍ୟ ସାନିଟାଇଜ କରାଯାଇଛି । ବାରିପଦା ଅଗ୍ନିଶମ ବିଭାଗ ପକ୍ଷରୁ ଏହି ସାନିଟାଇଜ କରାଯାଉଛି ।
ସେପଟେ ଏହି ସାନିଟାଇଜ କାର୍ଯ୍ୟକ୍ରମକୁ ଅଗ୍ନିଶମ ବିଭାଗର ଜିଲ୍ଲା ଅଗ୍ନିଶମ ଅଧିକାରୀ ନିଜେ ତଦାରଖ କରୁଥିବା ଦେଖିବାକୁ ମିଳିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
