ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଉପଖଣ୍ଡର ବିଭିନ୍ନ ଦୁର୍ଗମ ଅଞ୍ଚଳରେ ଅବକାରୀ ବିଭାଗର ଚଢ଼ାଉ । ଚଢାଉ ସମୟରେ ବ୍ୟାପକ ପରିମାଣର ମହୁଲ ପୋଚ ସହ ଦେଶୀ ମଦ ସରଞ୍ଜାମ ନଷ୍ଟ କରିଛି ବିଭାଗ ।
ରାଇରଙ୍ଗପୁରରେ ଅବକାରୀ ବିଭାଗର ଚଢ଼ାଉ, 4 ଗିରଫ
ସୂଚନା ଅନୁଯାୟୀ ମୟୂରଭଞ୍ଜ ଜିଲ୍ଲା ରାଇରଙ୍ଗପୁରର ବିଭିନ୍ନ ଉପଖଣ୍ଡରେ ଅବକାରୀ ବିଭାଗ ଚଢାଉ କରି ମଦ ଜବତ କରିବା ସହ ବାଦାମପାହାଡ ଥାନା ଅଧୀନସ୍ଥ ଅଞ୍ଚଳରେ ଚଢାଉ କରି ଚାରି ଜଣଙ୍କୁ ଗିରଫ କରିଛି । ସେହିପରି ବ୍ୟାପକ ପରିମାଣର ମଦରନ୍ଧା ସରଞ୍ଜାମ, ୬୫ ଲିଟର ଦେଶୀମଦ ଜବତ ହୋଇଛି । ମୋଟ ୧୨୦୦ କିଲୋଗ୍ରାମ ମହୁଲ ପୋଚ ମଧ୍ୟ ନଷ୍ଟ କରିଛି ଅବକାରୀ ବିଭାଗ । ତେବେ ରାଇରଙ୍ଗପୁର ଅବକାରୀ ବିଭାଗର ଭାରପ୍ରାପ୍ତ ଅଧିକାରୀ ହରିହର ସିଂ ସଦଳବଳେ ଏହି ଚଢ଼ାଉ କରିଥିବା ସୂଚନା ମିଳିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
