ରାଇରଙ୍ଗପୁର: ହାତୀ ଉପଦ୍ରବରେ ଜଣଙ୍କ ମୃତ୍ୟୁ ହୋଇଛି । ଏପରି ଏକ ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ଅଧିନରେ ଥିବା ଯଶିପୁର ଅଞ୍ଚଳରେ । ଜିଲ୍ଲାରେ ହାତୀ ଉପଦ୍ରବ ଦିନକୁ ଦିନ ବଢିବାରେ ଲାଗିଥିବା ବେଳେ ମଙ୍ଗଳବାର ହାତୀପଲ ରୁପା ଚାତାରଙ୍କ ଘରେ ପଶି ଘର ଭାଙ୍ଗିବା ସହ ଶୋଇଥିବା ଅବସ୍ଥାରେ ତାଙ୍କୁ ଘରୁ ଘୋଷାଡି ଆଣି ମାରିଦେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ତେବେ ଏହି ହାତୀପଲରେ 22ଟି ହାତୀ ଥିବାବେଳେ କରଞ୍ଜିଆ ବନଖଣ୍ଡର ଶୁକୃଳି, ରରୁଆଁ, ଓ ଯଶିପୁର ବ୍ଲକର ବିଭିନ୍ନ ସ୍ଥାନରେ ୩ ଦିନ ଧରି ତାଣ୍ଡବ ଚଳାଇ ୨୫ ରୁ ଅଧିକ ଘର ଭାଙ୍ଗିବା ସହ ଧାନ ଓ ପନିପରିବା ଫସଲ ନଷ୍ଟ କରୁଛନ୍ତି । ବନବିଭାଗ ହାତୀ ପଛେ ପଛେ ଥିଲେ ମଧ୍ୟ ହାତୀ ଘଉଡାଇବାରେ ସମ୍ପୂର୍ଣ୍ଣ ବିଫଳ ହୋଇଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
