ରାଇରଙ୍ଗପୁର: ଚତୁର୍ଥ ପର୍ଯ୍ୟାୟ ନିର୍ବାଚନ ପୂର୍ବରୁ ହିଂସା। ମୟୂରଭଞ୍ଜ ଜିଲ୍ଲାର ରରୁଆଁ ବ୍ଲକରେ ନିର୍ବାଚନ ପୂର୍ବରୁ ଦେଖିବାକୁ ମିଳିଛି ରାଜନୈତିକ ହିଂସାକାଣ୍ଡ ।
ଘଟଣା ଘଟିଛି ରରୁଆଁ ବ୍ଲକ ଅନ୍ତର୍ଗତ କନିକା ଗାଁରେ । ନରେଶ ଚନ୍ଦ୍ର ବେହେରା ଅଭିଯୋଗ କରିଛନ୍ତି ଯେ ଆସନ୍ତାକାଲି ନିର୍ବାଚନ ଥିବାରୁ ପ୍ରଶାନ୍ତ କୁମାର ମହାନ୍ତ ନିର୍ବାଚନ ପାଇଁ ଟଙ୍କା ବାଣ୍ଟୁଥିଲେ ।
ଏହାକୁ ବିରୋଧ କରିବାରୁ ଦୁଇ ଜଣ ମୁହାଁମୁହିଁ ହୋଇଛନ୍ତି । ଫଳରେ ପ୍ରଶାନ୍ତ କୁମାର ମହାନ୍ତ ଗୁରୁତର ଅବସ୍ଥାରେ ରରୁଆଁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ନରେଶ ବେହେରା ମଧ୍ୟ ଆହତ ହୋଇ ରରୁଆଁ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ପ୍ରଶାନ୍ତ କୁମାର ମହାନ୍ତ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ସଡକ ଯୋଜନାରେ କାମ ଦେଖିବାକୁ ଯାଇଥିବା ବେଳେ ଆକ୍ରମଣ କରିଛନ୍ତି ଏବଂ ସେ କୌଣସି ଟଙ୍କା ବାଣ୍ଟି ନାହାନ୍ତି ବୋଲି କହିଛନ୍ତି । ତେବେ ଦୁଇ ପକ୍ଷରୁ ଏତଲା ପାଇବା ପରେ ଏହି ଘଟଣାକୁ ରରୁଆ ଥାନା ପୋଲିସ ଗୁରୁତର ସହ ନେଇ ତଦନ୍ତ ଚଳାଇଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
