ରାଇରଙ୍ଗପୁର: ରାସ୍ତାକଡ ନାଳରୁ ଯୁବକଙ୍କ ମୃତଦେହ ଉଦ୍ଧାର । ଏପରି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଯାମଦା ଅଞ୍ଚଳର ମାଟିଆଳି ଗାଁରେ । ମୃତକ ଜଣକ ହେଲେ ଯାମଦା ଗାଁର ବୀର ସିଂ ତିରିଆଙ୍କ ପୁଅ ସୁଲବୁ ତିରିଆ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ଗତ ବୁଧବାର ସୁଲବୁ ତିରିଆ ଜାନ୍ତାଳ ପୂଜା ଦେଖିବା ପାଇଁ ଯାମଦା ଗାଁରୁ ମାଟିଆଳିକୁ ଯାଇଥିଲେ। ପୂଜା ଦେଖି ଆଉ ସେଠାରୁ ଫେରିନଥିଲେ । ତେବେ ଶନିବାର ତାଙ୍କର ମୃତଦେହ ନାଳରେ ପଡିଥିବାର ଦେଖିବାକୁ ପାଇଥିଲେ ମାଟିଆଳ ଗ୍ରାମବାସୀ । ଏହାପରେ ପୋଲିସକୁ ଘଟଣା ବାବଦରେ ଜଣାଇଥିଲେ ଗ୍ରାମବାସୀ । ଖବର ପାଇ ଯାମଦା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନାକୁ ପଠାଇଛନ୍ତି । ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ଛାନଭିନ କରୁଛି ପୋଲିସ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
