ରାଇରଙ୍ଗପୁର: ଲକଡାଉନ ନିୟମ ଉଲ୍ଲଘଂନ କରିଥିବା ଅଭିଯୋଗରେ 12ଟି ଦୋକାନକୁ ସିଲ କଲା ପ୍ରଶାସନ । ମୟୂରଭଞ୍ଜ ଜିଲ୍ଲା କରଞ୍ଜିଆ ସହରରେ କିଛି ଅମାନିଆ ବ୍ୟବସାୟୀ ପ୍ରତିଷ୍ଠାନ ଗୁଡିକ କୋଭିଡ ନିୟମକୁ ମାନୁନଥିବାରୁ କରଞ୍ଜିଆ ପ୍ରଶାସନ ତରଫରୁ କରଞ୍ଜିଆ ସହରର 12 ଟି ଦୋକାନକୁ ସିଲ କରିଥିବା ଜଣାପଡିଛି ।
ମହଙ୍ଗା ପଡିଲା କୋଭିଡ ନିୟମ ଉଲ୍ଲଘଂନ, ସିଲ୍ ହେଲା 12 ଟି ଦୋକାନ
ତେବେ ଅମାନିଆ ବ୍ୟବସାୟୀ ପ୍ରତିଷ୍ଠାନ ଏବଂ ବ୍ୟବସାୟୀ ସଙ୍ଘ ତରଫରୁ ଏକ ଲିଖିତ ପ୍ରତିଶୃତି ଉପଜିଲ୍ଲାପାଳଙ୍କୁ ଦେଇଥିବା ସୂଚନା ମିଳିଛି । ସେପଟେ କରଞ୍ଜିଆ ଉପଖଣ୍ଡରେ କରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢ଼ୁଥିବାବେଳେ ମୃତ୍ୟୁ ସଂଖ୍ୟା ମଧ୍ୟ ବଢ଼ିବାରେ ଲାଗିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
