ବାରିପଦା: ଟାଉନ ଥାନା ଅନ୍ତର୍ଗତ ତକତପୁର ଅଞ୍ଚଳରେ ଥିବା ଏକ ଘରୁ ୪୧୭ ଗ୍ରାମର ବ୍ରାଉନ ସୁଗାର ଜବତ । ଟାଉନ ଥାନା ପୋଲିସ ଚଢାଉ କରି ବ୍ରାଉନସୁଗାର ଜବତ କରିଥିବା ଜଣାପଡିଛି । ଜବତ ବ୍ରାଉନ ସୁଗାରର ଆନୁମାନିକ ମୂଲ୍ୟ 40 ଲକ୍ଷରୁ ଅଧିକ ହେବ । ଏନେଇ ଏସପି ପରମାର ସ୍ମିଥ ପୁରୁଷୋତ୍ତମ ଦାସ ସୂଚନା ଦେଇଛନ୍ତି ।
ବାରିପଦାରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ, ଜଣେ ଗିରଫ
ଆଜି ବାରିପଦା ଟାଉନ ଥାନା ପୋଲିସ କୌଣସି ସୂତ୍ରରୁ ଖବର ପାଇ ବାରିପଦା ସହର ତକତପୁର ଅଞ୍ଚଳରେ ଥିବା ଏକ ଘରେ ଚଢାଉ କରିଥିଲେ । ଚଢାଉନ ବେଳେ ପୋଲିସ ୪୧୭ ଗ୍ରାମ ବ୍ରାଉନ ସୁଗାର ଜବତ କରିଛି । ଅଭିଯୁକ୍ତ ଗୋବିନ୍ଦ ଚନ୍ଦ୍ର ପାଲଙ୍କୁ ଗିରଫ କରିଛି ପୋଲିସ । ଏଥିସହ ସେମାନଙ୍କ ନିକଟରୁ ପୋଲିସ 2 ଟି ମୋବାଇଲ ସହ ନଗଦ 34 ହଜାର ଟଙ୍କା ଜବତ କରିଛି । ତେବେ ଅଭିଯୁକ୍ତ ବୈଦ୍ୟନାଥ ପାଲ ନାମରେ ପୂର୍ବରୁ ବ୍ରାଉନସୁଗାର କାରବାର ନେଇ ଅନେକ ଥର ଅଭିଯୋଗ ହୋଇଥିଲା । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
