ବାରିପଦା: ମୟୂରଭଞ୍ଜ ଜିଲ୍ଲା ଉଦଳାରେ ଗଡ଼ ହାତେଇଲା ବିଜେପି । ପୌର ନିର୍ବାଚନ ଭୋଟ ଗଣତି ପ୍ରକ୍ରିୟା ଜାରି ରହିଥିବାବେଳେ ଉଦଳା NAC ଅଞ୍ଚଳ ପରିଷଦର ଫଳାଫଳ ପ୍ରକାଶ ପାଇଛି। ଉଦଳା NACର ପୌରାଧ୍ୟକ୍ଷ ଭାବେ ବିଜୟ ହାସଲ କରିଛନ୍ତି ବିଜେପି ପ୍ରାର୍ଥିନୀ ପ୍ରମିଳା ପଣ୍ଡା।
Municipal Polls: ଉଦଳାରେ ବାନା ଉଡ଼ାଇଲା ବିଜେପି
ଉଦଳା NACରେ ମୋଟ ୧୨ଟି ୱାର୍ଡରୁ 6 ୱାର୍ଡ ବିଜେଡି ହାତେଇଥିବା ବେଳେ ପ୍ରତିଦ୍ବନ୍ଦୀ ମୂଳକ ଭାବେ ବିଜେପି ହାତକୁ 5 ୱାର୍ଡ ଯାଇଛି। ସେହିପରି 4 ନଂ ୱାର୍ଡରେ ସ୍ବାଧୀନ ପ୍ରାର୍ଥୀ ବିଜୟୀ ହୋଇଛନ୍ତି। ଅନ୍ୟପଟେ ଉଦଳା ଏନଏସିର ପୌରାଧ୍ୟକ୍ଷା ଭାବେ ବିଜେପି ପ୍ରାର୍ଥୀନୀ ପ୍ରମିଳା ପଣ୍ଡା ବାଜିମାତ କରିଛନ୍ତି। ନିଜ ନିକଟତମ ପ୍ରତିଦ୍ବନ୍ଦୀ ରଞ୍ଜିତା ବାନାର୍ଜୀଙ୍କ ଠାରୁ ୮୬୬ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ତେବେ ଉଦଳା ଗଡ଼ରେ ବିଜୟ ହେବା ପରେ ଦଳ ପକ୍ଷରୁ ବିଜୟ ଉତ୍ସବ ପାଳନ କରାଯାଉଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
