ବାରିପଦା: ବାଇକରେ ଯାଉଥିବା ସମୟରେ ବିଚ୍ ରାସ୍ତାରେ ବାଇକରେ ଲାଗିଲା ନିଆଁ । ସମ୍ପୂର୍ଣ୍ଣ ରୂପେ ଜଳିଗଲା ବାଇକ। ଏପରି ଅଘଟଣ ମୟୂରଭଞ୍ଜ ଜିଲ୍ଲା ବାରିପଦା ସହର ମଧୁବନ ନିକଟରେ ଘଟିଛି। ତେବେ ବାଇକ ଚାଳକ ସୁରକ୍ଷିତ ରହିଥିବା ସୂଚନା ମିଳିଛି ।
ହୁତୁହୁତୁ ହୋଇ ଜଳିଲା ବାଇକ
ଅସ୍ତିଆ ଛକ ଠାରୁ ବାଲେଶ୍ଵର ଗୋଲେଇକୁ ଆସୁଥିବା ସମୟରେ ଏକ ବାଇକରେ ହଠାତ୍ ନିଆଁ ଲାଗିଯାଇଥିଲା। ବାଇକ ଆରୋହୀ ରାଜା ବାଇକ ଚଳାଉ ଥିବାବେଳେ ପେଟ୍ରୋଲ ଲିକ ହେବାର ଜାଣିବାକୁ ପାଇଥିଲେ । ରାସ୍ତା ମଝିରେ ବାଇକରେ ନିଆଁ ଲାଗିଥିବା ଦେଖି ସଙ୍ଗେସଙ୍ଗେ ଅଗ୍ନିଶମ ବିଭାଗକୁ ସୂଚନା ଦେଇଥିଲେ ।
ଘଟଣାସ୍ଥଳରେ ଅଗ୍ନିଶମ ବିଭାଗ ପହଁଚି ନିଆଁକୁ ଆୟତ୍ତ କରିଥିଲା । ପୋଡି ଯାଇଥିବା ବାଇକଟି ପୋଡା ଅସ୍ତିଆ ସ୍ଥିତ ନାରାୟଣ ବେହେରାଙ୍କ ବୋଲି ଜଣାପଡିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
