ବାରିପଦା: ମୟୂରଭଞ୍ଜ ଜିଲ୍ଲା ମଧ୍ୟରେ 5-T ଯୋଜନାରେ ବିଦ୍ୟାଳୟର ସୌନ୍ଦର୍ଯ୍ୟକରଣ କାର୍ଯ୍ୟ ହେବାକୁ ଯାଉଛି । ତେବେ ଏହି କାର୍ଯ୍ୟଗୁଡ଼ିକୁ ଟେଣ୍ଡର ମାଧ୍ୟମରେ କରିବା ଦାବିରେ ଜିଲ୍ଲାର ଅଣ ରାଜନୈତିକ ସଙ୍ଗଠନ ଭଞ୍ଜସେନା ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଯଦି ଟେଣ୍ଡର ବିନା, କାର୍ଯ୍ୟ ଦେବାର ନିଷ୍ପତ୍ତି ନିଆଯାଏ ତେବେ କାର୍ଯ୍ୟ ହେଉଥିବା ବ୍ଲକ, ମ୍ୟୁନସିପାଲିଟି, NAC ଅଞ୍ଚଳର ଯୁବ ଠିକାଦାର ମାନଙ୍କ ମଧ୍ୟରେ ସମାନ ଭାବେ ବାଣ୍ଟି ଦେବା ଦାବି ନେଇ ଜିଲ୍ଲାପାଳ ଅଫିସ ସମ୍ମୁଖରେ ଧାରଣା ଓ ବିକ୍ଷୋଭ କରାଯାଇଛି। ଜିଲ୍ଲା ପ୍ରଶାସନ ଓ କିଛି ଅସାଧୁ କଣ୍ଟ୍ରାକ୍ଟରଙ୍କ ମଧ୍ୟରେ ମଧୁଚନ୍ଦ୍ରିକା ପାଇଁ ଜିଲ୍ଲାର ଅନେକ ବେକାର ଯୁବକ ଯେଉଁମାନେ ଛୋଟ ଛୋଟ କଣ୍ଟ୍ରାକଟର କରୁଛନ୍ତି ସେମାନେ କୌଣସି ଭଲ କାର୍ଯ୍ୟ ପାଉନାହାଁନ୍ତି ।
ତେବେ ଆଗାମୀ ଦିନରେ ଯଦି ଟେଣ୍ଡର ପ୍ରକ୍ରିୟା ନ କରାଯାଇ ବିନା ଟେଣ୍ଡରରେ କୌଣସି କାର୍ଯ୍ୟ କରାଯାଏ ତେବେ ଭଞ୍ଜସେନା ପକ୍ଷରୁ ବ୍ୟାପକ ଆନ୍ଦୋଳନ କରାଯିବ ବୋଲି ଭଞ୍ଜସେନା ଅଧ୍ୟକ୍ଷ ପିଣ୍ଟୁ ମାଇତି କହିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
