ବାରିପଦା: ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ମଇଦାନରେ ଜୋରଦାର ପ୍ରଚାର କରୁଛନ୍ତି ପ୍ରାର୍ଥୀ । ଭୋଟ ହାତେଇବା ପାଇଁ ଭୋଟରଙ୍କ ଉପରେ ମାଳ ମାଳ ପ୍ରତିଶୃତି ଲଦି ଦେଉଛନ୍ତି । ଡୋର-ଟୁ-ଡୋର କ୍ୟାମ୍ପେନ ସାଙ୍ଗକୁ ଦିନରାତି ଏକ କରି ପ୍ରଚାର କରୁଛନ୍ତି ପ୍ରାର୍ଥୀ । ତେବେ ରାଜନୈତିକ ଦୃଷ୍ଟିକୋଣରୁ ମୟୂରଭଞ୍ଜର ବାରିପଦା ଆସନ ବେଶ୍ ଗୁରୁତ୍ବପୂର୍ଣ୍ଣ ବହନ କରିଛି ।
ଦୀର୍ଘଦିନ ଧରି ବାରିପଦା ଆସନଟି ବିଜେଡି ଅକ୍ତିଆରରେ ରହିଛି । ଚଳିତ ନିର୍ବାଚନରେ ବାରିପଦା ଆସନକୁ ଅକ୍ତିଆର କରିବାକୁ ଜୋରଦାର ପ୍ରୟାସ କରୁଛନ୍ତି ବିଜେପି ପ୍ରାର୍ଥୀ ପ୍ରକାଶ ସରେନ ।
ଯଦି ପ୍ରକାଶ ନିର୍ବାଚନୀ ବୈତରଣୀ ପାର୍ କରନ୍ତି । ତାହାଲେ ବାରିପଦାବାସୀଙ୍କ ପାଇଁ କଣ ରହିବ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ? ବିକାଶ ଉପରେ ଗୁରୁତ୍ବ ଦେବେ ନା ମୌଳିକ ସମସ୍ୟା ସମାଧାନ କରିବା ଉପରେ ଫୋକସ୍ କରିବେ । ଏନେଇ ସେ ଇଟିଭି ଭାରତ ସ୍ବତନ୍ତ୍ର କାର୍ଯ୍ୟକ୍ରମ ‘ନେତାଙ୍କୁ ପାଞ୍ଚଟି’ରେ ସାମିଲ ହୋଇ ବିସ୍ତୁତ ଆଲୋଚନା କରିଛନ୍ତି ବିଜେପି ପ୍ରାର୍ଥୀ ପ୍ରକାଶ ସରେନ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
