ବାରିପଦା: ବାହାଘରରେ ବ୍ୟାଣ୍ଡପାର୍ଟି କାମ ସାରି ଘରକୁ ଫେରୁଥିବାବେଳେ ଭାରସାମ୍ୟ ହରାଇ ରାସ୍ତା ପାର୍ଶ୍ଵକୁ ଓଲଟି ପଡ଼ିଲା ଗାଡି । ଫଳରେ ଦୁଇ ଜଣ ଗୁରୁତର ଆହତ ହୋଇଥିବାବେଳେ ୭ ଜଣ ସାମାନ୍ୟ ଆହତ ହୋଇଛନ୍ତି ।
ଉଦଳାରେ ଏକ ବାହାଘରରେ ବ୍ୟାଣ୍ଡ ପାର୍ଟି କାମ ସାରି ଆଠପଡା ଗ୍ରାମକୁ ଫେରୁଥିବାବେଳେ ସୁନାପାଳ ଛକ ନିକଟରେ ଗାଡିର ପଛପାଖ ଚକା ଫାଟିଯାଇଥିଲା । ଚକା ଫାଟିବା ପରେ ଗାଡିଟି ରାସ୍ତାପାର୍ଶ୍ବକୁ ଓଲଟି ପଡିଥିଲା । ସମୁଦାୟ ଗାଡିରେ ଥିବା ୧୧ ଜଣଙ୍କ ମଧ୍ୟରୁ ଏହି ଦୁର୍ଘଟଣାରେ ଦୁଇ ଜଣ ଗୁରୁତର ହୋଇଥିବାବେଳେ ୭ ଜଣ ଆହତ ହୋଇଛନ୍ତି ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ମୟୁରଭଞ୍ଜ
ଗୁରୁତର ଦୁଇଜଣଙ୍କୁ ଉଦଳା ଡାକ୍ତରଖାନାରେ ପ୍ରଥମେ ଭର୍ତ୍ତି କରାଯାଇଥିଲା । ପରେ ସେମାନଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାରିପଦା ସ୍ଥାନାନ୍ତର କରାଯାଇଛି । ଅନ୍ୟପଟେ ଖବର ପାଇ ଉଦଳା ପୋଲିସ୍ ଘଟଣାର ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
