ନୂଆଦିଲ୍ଲୀ: ଆଜି ହେଉଛି ରାଜନୀତିର ଅଜାତ ଶତ୍ରୁ ଭାବେ ପରିଚିତ ତଥା ଭାରତ ରତ୍ନ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ 100ତମ ଜନ୍ମ ଜୟନ୍ତୀ । ମାଟିର ସନ୍ତାନଙ୍କୁ ଝୁରୁଛି ଦେଶ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଉଦ୍ଦେଶ୍ୟରେ ଭାବବିହ୍ବଳ ନୋଟ୍ ଲେଖିଛନ୍ତି । ଦେଶବ୍ୟାପୀ ଅଟଳଙ୍କ ସ୍ମୃତିରେ କାର୍ଯ୍ୟକ୍ରମ କରାଯାଉଥିବା ବେଳେ ମଧ୍ୟପ୍ରଦେଶରେ ଏକାଧିକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ପ୍ରଧାମନ୍ତ୍ରୀ ନରେନ୍ଦ୍ର ମୋଦି ଲେଖିଛନ୍ତି, "ଆଜି ଡିସେମ୍ବର ୨୫ ତାରିଖ । ଆମ ସମସ୍ତଙ୍କ ପାଇଁ ଏକ ବିଶେଷ ଦିନ । ଆମ ଦେଶ ଆମର ପ୍ରିୟ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ 100ତମ ଜୟନ୍ତୀ ପାଳନ କରୁଛେ । ସେ ଜଣେ ରାଷ୍ଟ୍ରନେତା ଭାବେ ଅଗଣିତ ଲୋକଙ୍କୁ ପ୍ରେରଣା ଦେଉଛନ୍ତି । "
ଦେଶକୁ ନୂଆ ଦିଶା ଦେଲେ...
ପ୍ରଧାନମନ୍ତ୍ରୀ ଲେଖିଛନ୍ତି "ଏକ ବିଂଶ ଶତାଦ୍ଦୀର ଭାରତ ପରିବର୍ତ୍ତନର ସ୍ଥପତି ହୋଇଥିବାରୁ ଆମ ଦେଶ ସର୍ବଦା ଅଟଳଙ୍କ ନିକଟରେ କୃତଜ୍ଞ । 1998 ସମୟରେ ସେ ଦେଶର ପ୍ରଧାନମନ୍ତ୍ରୀ ପଦ ସମ୍ଭାଳିଥିଲେ । ଯେଉଁ ସମୟରେ ଦେଶ ରାଜନୀତିର ଅସ୍ଥିରତା ମଧ୍ୟରେ ଘେରି ରହିଥିଲା । 9 ବର୍ଷରେ ଦେଶ 4 ଥର ଲୋକସଭା ନିର୍ବାଚନ ଦେଖିଲା । ଲୋକଙ୍କ ଆଶଙ୍କା ଥିଲା ଏହି ସରକାରଙ୍କ ପ୍ରଶାସନ ପରିଚାଳନାରେ ସକ୍ଷମ ହେବେନି । ଅଟଳ ଜୀ ହିଁ ସ୍ଥିର ଓ ପ୍ରଭାବଶାଳୀ ଶାସନ ପ୍ରଦାନ କରି ଏହି ଧାରାକୁ ବଦଳାଇଥିଲେ । ଦେଶକୁ ନୂଆ ବିକାଶର ଗ୍ୟାରେଣ୍ଟି ଦେଇଥିଲେ । ସେ ଏପରି ଏକ ନେତା ଯାହାଙ୍କ ପ୍ରଭାବ ଆଜି ବି ଅଟଳ । ସେ ଭବିଷ୍ୟ ଭାରତ ପରିକଳ୍ପନା କରୁଥିଲେ । ତାଙ୍କ ସରକାର ଦେଶକୁ ଆଇଟି ଓ ଦୂରସଞ୍ଚାରକୁ ଦୁନିଆରେ ଦ୍ରୁତ ଗତିରେ ଆଗକୁ ବଢାଇଥିଲେ । ତାଙ୍କ ଶାସନକାଳରେ ଉନ୍ନତ ଜ୍ଞାନକୈଶଳକୁ ସାଧାରଣ ମାନବ ପର୍ଯ୍ୟନ୍ତ ପହଞ୍ଚିବା କାମର ଅୟ ଆରମ୍ଭ କରାଯାଇଥିଲା । "
ସ୍ବର୍ଣ୍ଣ ଚତୁର୍ଭୁଜର ଜନକ:
ମୋଦି ଲେଖିଛନ୍ତି "ଆଜି ବି ଅଧିକାଂଶ ଲୋକେ ସ୍ବର୍ଣ୍ଣ ଚତୁର୍ଭୁଜ ପ୍ରକଳ୍ପକୁ ମନେ ପକାଉଛନ୍ତି । ଯାହା ସମଗ୍ର ଭାରତକୁ ରାଜପଥ ଜରିଆରେ ସଂଯୋଗ କରିଥିଲା । ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନା ଭଳି ପଦକ୍ଷେପ ମାଧ୍ୟମରେ ଆଞ୍ଚଳିକ ଗମନାଗମନର ସୁଧାର ଆଣିବା ପାଇଁ ଅଟଳ ବିହାରୀ ବାଜପେୟୀଙ୍କ ପ୍ରୟାସ ମଧ୍ୟ ସମାନ ଭାବରେ ଉଲ୍ଲେଖନୀୟ ଥିଲା । ତାଙ୍କ ସରକାର ଏକ ବିଶ୍ବସ୍ତରୀୟ ଭିତ୍ତିଭୂମି ପ୍ରକଳ୍ପ ଭାବେ ଉଭା ହୋଇଥିବା ଦିଲ୍ଲୀ ମେଟ୍ରୋକୁ ବ୍ୟାପକ ଭାବେ କାର୍ଯ୍ୟ କରି ମେଟ୍ରୋ ସଂଯୋଗକୁ ପ୍ରୋତ୍ସାହିତ କରିଥିଲେ । "
Today, on Atal Ji’s 100th birth anniversary, penned a few thoughts on his monumental contribution to our nation and how his efforts transformed many lives.https://t.co/mFwp6s0uNX
— Narendra Modi (@narendramodi) December 25, 2024
କୌଣସି ଚାପରେ ନେଉନଥିଲେ ନିଷ୍ପତ୍ତି ...
"ଅଟଳ ସରକାର ଅନେକ ଐତିହାସିକ କାର୍ଯ୍ୟ କରିଛନ୍ତି । ୟାହାକୁ ଦେଶବାସୀ ଗର୍ବ ସହକାରେ ମନେ ପକାଇଥାନ୍ତି । ଦେଶକୁ ଏବେବି 11 ମେ 1998ର ସେହି ଗୌରବ ଦିବସ କଥା ମନେ ଅଛି... ଯେବେ ଏନଡିଏ ସରକାର ହେବାର କିଛି ଦିନ ପରେ ପୋଖରାନରେ ପରମାଣୁର ସଫଳ ପରୀକ୍ଷଣ ହୋଇଥିଲା । ଏହି ପରୀକ୍ଷଣ ପରେ ସାରା ବିଶ୍ବରେ ଭାରତର ବୈଜ୍ଞାନିକଙ୍କୁ ନେଇ ଚର୍ଚ୍ଚା ଆରମ୍ଭ ହେଲା । କିଛି ଦେଶ ଖୋଲା ଖୋଲି ଭାବେ ବିରୋଧ ଦେଖାଇଲେ । କିନ୍ତୁ ଅଟଜ ଜୀଙ୍କ ସରକାର ଏହାକୁ ନେଇ ଚିନ୍ତିତ ହେଲେନି । ପଛକୁ ହଟିବା ବଦଳରେ 13 ମେ’ରେ ପୁଣି ଥରେ ପରୀକ୍ଷଣ କଲେ । ଏହି ଦ୍ବିତୀୟ ପରୀକ୍ଷଣ ବିଶ୍ବକୁ ଏହା ଦର୍ଶାଇଲା ଭାରତର ନେତୃତ୍ବ ଏକ ଏମିତି ହାତରେ ଅଛି । ଯିଏକି ଅଲଗା ମାଟିରେ ତିଆରି ହୋଇଛନ୍ତି । ତାଙ୍କ ଶାସନ କାଳରେ ସୁରକ୍ଷାକୁ ନେଇ ଅନେକ ଚ୍ୟାଲେଞ୍ଜ ସାମ୍ନାକୁ ଆସିଥିଲା । କାର୍ଗିଲ ଯୁଦ୍ଧ, ସଂସଦ ଉପରେ ଆତଙ୍କୀ ଆକ୍ରମଣ, ଆମେରିକା ବିଶ୍ବ ବାଣିଜ୍ୟ ସେଣ୍ଟର ଉପରେ ଆକ୍ରମଣ ପରେ ବୈଶ୍ବିକ ସ୍ଥିତି ବଦଳିବ, କିନ୍ତୁ ପ୍ରତ୍ୟେକ ସ୍ଥିତିରେ ଅଟଜୀଙ୍କ ପାଇଁ ଭାରତର ହିତ ସର୍ବୋପରି ଥିଲା । "
#WATCH | Delhi: Former Prime Minister Atal Bihari Vajpayee's foster daughter Namita Kaul Bhattacharya pays floral tributes to Atal Bihari Vajpayee on his 100th birth anniversary at 'Sadaiv Atal' memorial. pic.twitter.com/XE3yXGdd6B
— ANI (@ANI) December 25, 2024
ମେଣ୍ଟ ସରକାର ରାଜନୀତିକୁ ନୂଆ ପରିଚୟ ଦେଲେ...
ଅଟଳ ଜୀ ଭାରତୀୟ ଗଣତନ୍ତ୍ରକୁ ବୁଝିଥିଲେ । ଏହାକୁ ସଶକ୍ତ କରିବା ଆବଶ୍ୟକତାକୁ ହୃଦୟଙ୍ଗମ କରିଥିଲେ । ଅଟଳ ଜୀ ଏନଡିଏ ମେଣ୍ଟର ଅଧ୍ୟକ୍ଷତା କରିଥିଲେ । ଯାହା ଭାରତୀୟ ରାଜନୀତିରେ ମେଣ୍ଟ ପରିଚାଳନାକୁ ପୁନଃପରିଭାଷିତ କରିଥିଲା । ସେ ଲୋକଙ୍କୁ ଏକାଠି କରି NDAକୁ ବିକାଶ, ଜାତୀୟ ପ୍ରଗତି ଓ ଆଞ୍ଚଳିକ ଆକାଂକ୍ଷା ପୂର୍ତ୍ତି ପାଇଁ ଏକ ଶକ୍ତିରେ ପରିଣତ କରିଥିଲେ ।
#WATCH | Delhi: Former President Ram Nath Kovind pays floral tribute to former PM Atal Bihari Vajpayee at the 'Sadaiv Atal' memorial on his 100th birth anniversary. pic.twitter.com/S0wVjyLXEh
— ANI (@ANI) December 25, 2024
ଏହା ମଧ୍ୟ ପଢନ୍ତୁ: |
ଅଟଳ ବିହାରୀ ବାଜପେୟୀଙ୍କ ଜୟନ୍ତୀରେ ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର :
ଭାରତ ରତ୍ନ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ 100ତମ ଜୟନ୍ତୀ ଅବସରରେ ପ୍ରଧାନମନ୍ତ୍ରୀ ଆଜି ମଧ୍ୟପ୍ରଦେଶରେ ଏକାଧିକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । କେନ-ବେତୱା ନଦୀ ସଂଯୋଗୀକରଣ ଜାତୀୟ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଏହା ଜାତୀୟ ପରିପ୍ରେକ୍ଷିତ ଯୋଜନା ଅଧିନରେ ଦେଶର ପ୍ରଥମ ନଦୀ ସଂଯୋଗୀକରଣ ପ୍ରକଳ୍ପ ଅଟେ । ଏହି ପ୍ରକଳ୍ପ ଦ୍ବାରା ମଧ୍ୟ ପ୍ରଦେଶ ଓ ଉତ୍ତରପ୍ରଦେଶର ବିଭିନ୍ନ ଜିଲ୍ଲାର ଚାଷୀ ଉପକୃତ ହେବେ ।
" he stands tall as a statesman who continues to inspire countless people...let us rededicate ourselves to realising his ideals and fulfilling his vision for india," says pm modi as he pays tribute to former pm atal bihari vajpayee on his 100th birth anniversary. pic.twitter.com/hEOGKkxgOM
— ANI (@ANI) December 25, 2024
ସୈଦେବ ଅଟଳରେ ରାଷ୍ଟ୍ରପତି-ପ୍ରଧାନମନ୍ତ୍ରୀ ଦେଲେ ଶ୍ରଦ୍ଧାଞ୍ଜଳି:
#WATCH | Delhi: President Droupadi Murmu pays floral tribute to former PM Atal Bihari Vajpayee at the 'Sadaiv Atal' memorial on his 100th birth anniversary. pic.twitter.com/T7l316SCPy
— ANI (@ANI) December 25, 2024
ଅଟଳ ବିହାର ବାଜପେୟୀଙ୍କ ସ୍ମୃତି ପୀଠ ସୈଦେବ ଅଟଳରେ ରାଷ୍ଟ୍ରପତି, ପ୍ରଧାନମନ୍ତ୍ରୀ, ଉପରାଷ୍ଟ୍ରପତି, ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀଙ୍କ ସହ ବହୁ ବିଶିଷ୍ଟ ବ୍ୟକ୍ତି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
#WATCH | Delhi: Prime Minister Narendra Modi pays floral tribute to former PM Atal Bihari Vajpayee at the 'Sadaiv Atal' memorial on his 100th birth anniversary. pic.twitter.com/HbA9fTLCHZ
— ANI (@ANI) December 25, 2024
