ବାରିପଦା: ମହାମାରୀ କୋରୋନାର ଭୟାବହତା ଭିତରେ ଦ୍ବିତୀୟ ଶ୍ରୀକ୍ଷେତ୍ର ବାରିପଦା ଶ୍ରୀ ହରିବଳଦେବ ଜୀଉଙ୍କ ଅକ୍ଷୟ ତୃତୀୟା ନୀତିକାନ୍ତି ସମ୍ପନ୍ନ ହୋଇଛି । ରାଜ୍ୟରେ ଲକଡାଉନ ବଳବତ୍ତର ଥିବା ବେଳେ କୋଭିଡ କଟକଣା ମଧ୍ୟରେ ରଥଯାତ୍ରା ପାଇଁ ରଥ ଚକରେ ଅଖ ଲାଗିଛି । କୋଭିଡ କଟକଣା ମଧ୍ୟରେ ସାମାଜିକ ଦୂରତା ବଜାୟ ରଖି ଅଳ୍ପ ସଂଖ୍ୟକ ସେବାୟତରେ ଚକରେ ଅଖ ଲାଗିଛି ।
ଦ୍ବିତୀୟ ଶ୍ରୀକ୍ଷେତ୍ରରେ ଅକ୍ଷୟ ତୃତୀୟାରେ ଚକରେ ଲାଗିଲା ଅଖ
ରଥ ଓ ଚକ ଶୋଧନ ନୀତି ପରେ ମହାରଣାମାନେ ରଥଖଳାରେ ତିନି ରଥରେ ଚକ ଲାଗି କରିଥିଲେ । ରଥଖଳାରେ ଅଖଲାଗି ସମୟରେ ବାରିପଦା ଉପଜିଲ୍ଲାପାଳ ପି ଅନେଶ୍ଵା ରେଡ୍ଡୀ ଉପସ୍ଥିତ ଥିଲେ । ତେବେ ରଥଯାତ୍ରା ହେବକି ନା ନାହିଁ ରାଜ୍ୟ ସରକାରଙ୍କ ଆଗାମୀ ନିଷ୍ପତ୍ତି ପରେ ଜଣାପଡିବ ବୋଲି କହିଛନ୍ତି ଉପ ଜିଲ୍ଲାପାଳ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
