ରାଇରଙ୍ଗପୁର: ଏମିତି ବି ଆସେ ମୃତ୍ୟୁ । ଏକ ଗଛ ମୂଳରେ ଆଈ, ନାତି-ନାତୁଣୀ ବସିଥିବା ସମୟରେ ଧକ୍କା ଦେଲା ବାଇକ୍ । ଘଟଣାସ୍ଥଳରେ 2 ବର୍ଷର ନାତୁଣୀର ମୃତ୍ୟୁ ଘଟି ଥିବାବେଳେ ନାତି ଓ ଆଈଙ୍କ ଅବସ୍ଥା ଗୁରୁତର । ଉଭୟଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
ମୃତ ନାତୁଣୀ ଜଣକ କୁଲଡ଼ିହା ଗ୍ରାମର ମହାଲକ୍ଷ୍ମୀ ମୁର୍ମୁ(୦୨) ବୋଲି ଜଣାପଡିଛି । ଦୁର୍ଘଟଣାଟି ଘଟିଛି ମୟୂରଭଞ୍ଜ ଜିଲ୍ଲା ବାଦାମପାହାଡ ଥାନା ସୁଲେଇପାଟ ଫାଣ୍ଡି ଅନ୍ତର୍ଗତ କୁଲଢିଆ-ଜୟପୁର ରାସ୍ତାରେ । ସୂଚନା ଅନୁଯାୟୀ, ଗଛ ମୂଳରେ ଆଈ, ନାତି-ନାତୁଣୀ ବସିଥିବା ସମୟରେ ଏକ ବାଇକ୍ ଧକ୍କା ଦେଇଥିଲା । ଆଈ ସାକ୍ରୋ ମାଝୀ ଓ ତାଙ୍କ ନାତି ରାଜକୁମାର ଅବସ୍ଥା ଗୁରୁତର ରହିଛି । ଉଭୟଙ୍କୁ ରାଇରଙ୍ଗପୁର ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଆଈର ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ସେପଟେ ସୁଲେଇପାଟ ଫାଣ୍ଡି ଅଧିକାରୀ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
