ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ହାଟବାଦଡା ଅଞ୍ଚଳର କାଦୁଆଣି ଛକରେ ସଡକ ଦୁର୍ଘଟଣା । ସକାଳୁ ସକାଳୁ କ୍ଷୀର ଗାଡିକୁ ପିଟିଲା ବାଇକ । ଫଳରେ ଜଣଙ୍କର ମୃତ୍ୟୁ ଘଟିଥିବା ବେଳେ 2ଜଣ ଗୁରୁତର ଆହତ ହୋଇଛନ୍ତି ।
ମୃତକ ହେଲେ କରଞ୍ଜିଆର ମୁକେଶ ମହାକୁଡ଼ ଓ ଗୁରୁତର ଥିବା ଯୁବକ ଦ୍ବୟ ହେଲେ ଝାଡଖଣ୍ଡର ଝଲକ ବାନରା ଓ ରରୁଆର ବିଜୁ ବାଙ୍କିରା । ତେବେ ସଙ୍ଗେ ସଙ୍ଗେ ଆହତ ମାନଙ୍କୁ 108 ଆମ୍ବୁଲାନ୍ସ ଯୋଗେ ରାଇରଙ୍ଗପୁର ମେଡିକାଲରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ପହଞ୍ଚି ଗାଡି ଜବତ କରି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଏକ ବାଇକ ଯୋଗେ ତିନି ଜଣ ଯୁବକ ଯଶୀପୁରରୁ ରାଇରଙ୍ଗପୁରକୁ ଆସୁଥିଲେ । ହେଲେ ଦ୍ରୃତ ଗତିରେ ଆସୁଥିବା ସମୟରେ ରାଇରଙ୍ଗପୁର ଗ୍ରାମାଞ୍ଚଳ ଥାନା କାଦୁଆଣି ଛକରେ ଠିଆ ହୋଇଥିବା ଏକ କ୍ଷୀର ଗାଡିକୁ ଧକ୍କା ଦେଇଥିଲେ । ଫଳରେ ଘଟିଛି ଏହି ଦୁର୍ଘଟଣା ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
