ବାରିପଦା : କୂଅ ସଫା କଲାବେଳେ ଅଘଟଣ । ଅସାବଧାନତା ବସତଃ କୂଅକୁ ଖସିପଡିଲେ ବୃଦ୍ଧ । ୩୦ ଫୁଟର ଗଭୀର କୂଅରୁ ବୃଦ୍ଧଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ ।
୩୦ ଫୁଟର କୂଅରୁ ବୃଦ୍ଧଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ
ସୂଚନା ଅନୁସାରେ, ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଅନ୍ତର୍ଗତ ଝାଟିଅଡା ଗାଁର ଜଗବନ୍ଧୁ ଲେଙ୍କା(୫୨) ପରିତ୍ୟକ୍ତ କୂଅକୁ ସଫା କରିବା ପାଇଁ ଓହ୍ଲାଇ ଥିଲେ । କିନ୍ତୁ ହଠାତ ଗୋଡ ଖସିଯିବାରୁ ଜଗବନ୍ଧୁ କୂଅ ଭିତରକୁ ପଡିଯାଇଥିଲେ । ଅଣ୍ଟାଏ ପଙ୍କ ଭିତରେ ଦୀର୍ଘ ସମୟ ଧରି ପଶି ରହିଥିଲେ।
ପ୍ରାୟ ୩୦ ଫୁଟ ଗଭୀର କୂଅରେ ଅମ୍ଳଜାନ ଅଭାବରୁ ଅଣନିଶ୍ବାସ ଅନୁଭବ କରିବା ସହିତ ଦୁର୍ବଳ ହୋଇପଡିଥିଲେ ସେ । ଏନେଇ ସ୍ଥାନୀୟ ଲୋକେ ରାସଗୋବିନ୍ଦପୁର ଅଗ୍ନିଶମ ବିଭାଗକୁ ଖବର ଦେଇଥିଲେ । ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ତାଙ୍କୁ କୂଅରୁ ଉଦ୍ଧାର କରିଥିଲେ। ପରେ ତାଙ୍କୁ ରାସଗୋବିନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇ ପ୍ରାଥମିକ ଚିକିତ୍ସା କରାଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
