ମୟୂରଭଞ୍ଜ: ଗରମ ପେଜ ପଡି ଦୁଇ ବର୍ଷର ଶିଶୁ ଗୁରୁତର । ଘଟଣାଟି ହେଉଛି ରାଇରଙ୍ଗପୁର ଟାଉନ ଥାନା ଗଣ୍ଡିଦା ଗ୍ରାମର । ଗୁରୁତର ଶିଶୁ ହେଉଛି ଟୁନା ସରଦାରଙ୍କ ପୁଅ ଦୁଶୁରୁ ସରଦାର । ଶିଶୁଟିକୁ ବର୍ତ୍ତମାନ ରାଇରଙ୍ଗପୁର ଥାନା ନିଆଯାଇ ଚିକିତ୍ସା କରାଯାଉଛି ।
ଭିଡିଓ ସୌଜନ୍ଯ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ ଖାଇବା ପାଇଁ ମା' ଭାତ ରାନ୍ଧୁଥିବା ସମୟରେ ହଠାତ୍ ରୋଷେଇ ଘରକୁ ଦୌଡ଼ି ଆସିଥିଲା ଶିଶୁ । ହେଲେ ଗୋଡ଼ ଛନ୍ଦି ହୋଇଯିବାରୁ ରାନ୍ଧୁଥିବା ଗରମ ଭାତ ହାଣ୍ଡି ଉପରେ ପଡି ଯାଇଥିଲା ଶିଶୁ । ଫଳରେ ଗରମ ପେଜ ଢାଳି ହୋଇ ଶିଶୁଟିର ହାତ, ଗୋଡ ଓ ଦେହର ଅଧିକାଂଶ ଅଂଶ ପୋଡ଼ି ଯାଇଛି ।
ପରିବାର ଲୋକେ ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡ଼ାକ୍ତରଖାନା ଆଣି ଶିଶୁଟିର ଚିକିତ୍ସା ଚଳାଇଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
