ହାଇଦ୍ରାବାଦ: ବିକି କୌଶଲ ଫ୍ୟାନ୍ସଙ୍କ ପାଇଁ ଖୁସି ଖବର । ଫ୍ୟାନ୍ସମାନେ ତାଙ୍କ 'ଛାବା ଏବଂ ଲଭ ଆଣ୍ଡ ୱାର'କୁ ଉତ୍ସାହର ସହ ଅପେକ୍ଷା କରିଥିବା ବେଳେ ବର୍ତ୍ତମାନ ବିକିଙ୍କ ନୂଆ ଫିଲ୍ମ ଘୋଷଣା ହୋଇଛି । ଏହି ଫିଲ୍ମ ପାଇଁ ସେ 'ସ୍ତ୍ରୀ 2' ନିର୍ମାତାଙ୍କ ସହ ହାତ ମିଳାଇଛନ୍ତି । ଯେଉଁଥିରେ ସେ ପ୍ରଭୁ ପର୍ଶୁରାମଙ୍କ ଚରିତ୍ରରେ ଅଭିନୟ କରିବେ । ଫିଲ୍ମରୁ ପ୍ରଥମ ଲୁକ ପୋଷ୍ଟର ରିଲିଜ ହେବା ସହ ଫିଲ୍ମ କେବେ ପରଦାକୁ ଆସିବା ତାହାର ତାରିଖ ମଧ୍ୟ ପ୍ରକାଶ କରାଯାଇଛି ।
ବିକି କୌଶଲଙ୍କ ନୂଆ ଫିଲ୍ମ 'ମହାଅବତାର'
ସ୍ତ୍ରୀ 2 ସଫଳତା ପରେ ମ୍ୟାଡକ୍ ଫିଲ୍ମସ୍ ଆଗାମୀ ସମୟରେ ଅନେକ ମହାନ ଚଳଚ୍ଚିତ୍ର ସହିତ ଆସୁଛି । ସେଥିମଧ୍ୟରୁ ଗୋଟିଏ ହେଉଛି ମହାଅବତାର, ଯାହାକି ନିର୍ମାତାମାନେ ସୋସିଆଲ ମିଡିଆରେ 13 ନଭେମ୍ବର ଅର୍ଥାତ୍ ଆଜି ଘୋଷଣା କରିଛନ୍ତି । ଫିଲ୍ମର ଟାଇଟଲ୍ ଏବଂ ମୋଶନ ପୋଷ୍ଟର ମଧ୍ୟ ରିଲିଜ କରାଯାଇଛି । ଯେଉଁଥିରେ ସୁପରଷ୍ଟାର ବିକି ପ୍ରଭୁ ପର୍ଶୁରାମଙ୍କ ଚମତ୍କାର ରୂପରେ ନଜର ଆସିଛନ୍ତି । ପୋଷ୍ଟର ସେୟାର କରି ନିର୍ମାତା କ୍ୟାପସନରେ ଲେଖିଛନ୍ତି, 'ଦୀନେଶ ଭିଜନ ଧର୍ମର ଅନନ୍ତ ଯୋଦ୍ଧାଙ୍କ କାହାଣୀକୁ ଜୀବନ୍ତ କରିଦିଏ । ବିକି କୌଶଲ ଅମର କୌଶିକଙ୍କ ନିର୍ଦ୍ଦେଶିତ 'ମହାଅବତାରରେ'ରେ ଚିରଞ୍ଜୀବୀ ପରଶୁରାମ ଭୂମିକାରେ ନଜର ଆସିବେ ।
ବିକି କୌଶଲ ପ୍ରଭୁ ପର୍ଶୁରାମ ଭୂମିକାରେ ଅଭିନୟ କରିବେ
ବିକିଙ୍କ ପରବର୍ତ୍ତୀ ଚଳଚ୍ଚିତ୍ର ଏକ ମହାନ୍ ଫିଚର୍ ହେବ ଯେଉଁଥିରେ ସେ ପ୍ରଭୁ ପର୍ଶୁରାମ ଭୂମିକାରେ ଅଭିନୟ କରିବେ । ସୂଚନା ଅନୁସାରେ ବିକି ଫିଲ୍ମର ସ୍କ୍ରିପ୍ଟକୁ ବହୁତ ପସନ୍ଦ କରିଥିଲେ ଏବଂ ସେ ତୁରନ୍ତ ଏଥିରେ ରାଜି ହୋଇଥିଲେ। ବିନା ଦ୍ୱିଧାରେ ସେ ସ୍ତ୍ରୀ 2 ର ନିର୍ମାତାଙ୍କୁ ଏହି ଫିଲ୍ମ କରିବାକୁ ହଁ କହିଥିଲେ । ଖବର ଅନୁଯାୟୀ, ଜାନୁୟାରୀ 2025 ରେ ପ୍ରି-ପ୍ରଡକ୍ସନ୍ ଆରମ୍ଭ ହେବ ଏବଂ ଚଳଚ୍ଚିତ୍ର ନିର୍ମାତା ଆସନ୍ତା ବର୍ଷ ନଭେମ୍ବରରେ ସୁଟିଂ ଆରମ୍ଭ କରିବାକୁ ଯୋଜନା କରୁଛନ୍ତି ।
ଏହା ମଧ୍ୟ ପଢନ୍ତୁ: ଆସିଲା 'ଛାବା' ଟିଜର, ନୂଆ ରୂପରେ ନଜର ଆସିଲେ ବିକି କୌଶଲ, ଏହି ଦିନ ପରଦାକୁ ଆସିବ ଫିଲ୍ମ
ଫିଲ୍ମ କେବେ ରିଲିଜ ହେବ ?
ରିପୋର୍ଟ ଅନୁଯାୟୀ, ଫିଲ୍ମର ସୁଟିଂ ଆରମ୍ଭ ହେବା ପୂର୍ବରୁ 6 ରୁ 8 ମାସ ପ୍ରସ୍ତୁତି ଆବଶ୍ୟକ ହେବ । ଖ୍ରୀଷ୍ଟମାସ 2026 ରେ ଏହି ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ । ବିକିଙ୍କ ଅନ୍ୟ ଫିଲ୍ମ ବିଷୟରେ କହିବାକୁ ଗଲେ, ବିକିଙ୍କ ଆଗାମୀ ଚଳଚ୍ଚିତ୍ର ହେଉଛି 'ଛାବା' ରହିଛି ଯେଉଁଥିରେ ତାଙ୍କୁ ଛତ୍ରପତି ଶିବାଜୀ ଭୂମିକାରେ ନଜର ଆସିବେ । ଏଥିସହ ବିକି ସଞ୍ଜୟ ଲୀଲା ବଂଶାଲୀଙ୍କ 'ଲଭ୍ ଆଣ୍ଡ ୱାର୍'ରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ସହ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
