ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ଗ୍ରାମାଞ୍ଚଳ ଥାନା ଅଧିନ ଜୁଡିଆ ଗାଁରେ ଅଭାବନୀୟ ଘଟଣା । ମା ସହ ନଦୀକୁ ଗାଧେଇବାକୁ ଯାଇଥିବା 2 ବର୍ଷ ଶିଶୁ ପୁତ୍ର ମୃତ୍ୟୁ ହୋଇଛି । ମୃତ ଶିଶୁ ପୁତ୍ର ଜଣକ ଉକ୍ତ ଗାଁର କର ମାଝୀଙ୍କ ପୁଅ ଚାନ୍ଦ୍ରାୟା ମାଝୀ।
ନଦୀରେ ବୁଡ଼ି ଶିଶୁପୁତ୍ର ମୃତ
ସୂଚନାଯୋଗ୍ୟ, ଜୁଡିଆ ଗାଁ ନିକଟସ୍ଥ ନଦୀକୁ 2 ବର୍ଷର ଶିଶୁ ପୁତ୍ରଟି ମାଆ ସହ ନଦୀକୁ ଗାଧେଇବାକୁ ଯାଇଥିଲା । ଶିଶୁଟିର ମାଆ ଲୁଗା ସଫା କରୁଥିବାବେଳେ ଅସାବଧାନତା କାରଣରୁ ଶିଶୁଟି ନଦୀ ପାଣିରେ ବୁଡିଯାଇଥିଲା । ସେଠାରେ ଉପସ୍ଥିତ ଥିବା କିଛି ଲୋକେ ଶିଶୁଟିକୁ ଉଦ୍ଧାର କରି ରାଇରଙ୍ଗପୁର ଡାକ୍ତରଖାନା ଆଣିଥିବାବେଳେ, ଡାକ୍ତର ଶିଶୁକୁ ମୃତ ଘୋଷଣା କରିଥିଲେ । ସେପଟେ, ଖବର ପାଇ ରାଇରଙ୍ଗପୁର ଗ୍ରାମାଞ୍ଚଳ ପୋଲିସ ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
