ବାରିପଦା:ମୟୂରଭଞ୍ଜ ଜିଲ୍ଲାପାଳଙ୍କ କାର୍ଯ୍ୟାଳୟରେ କାର୍ଯ୍ୟରତ ଦୁଇ ଜଣ ଚତୁର୍ଥ ଶ୍ରେଣୀ କର୍ମଚାରୀଙ୍କ ମଧ୍ୟରେ ଗଣ୍ଡଗୋଳ । ନିଶାସକ୍ତ ଅବସ୍ଥାରେ 2 ଜଣ ପିଅନ ପରସ୍ପର ମଧ୍ୟରେ ମାଡଗୋଳ ହେବା ସହ କାର୍ଯ୍ୟାଳୟର କବାଟ ଝରକାକୁ ଭାଙ୍ଗିଥିଲେ । ଜିଲ୍ଲାପାଳଙ୍କ ଅନୁପସ୍ଥିତିରେ ଏଭଳି କାଣ୍ଡ ଘଟାଇ ଥିବାବେଳେ ପୋଲିସ ସେହି ଦୁଇ ପିଅନଙ୍କୁ ଅଟକ ରଖିଛି।
ଭିଡିଓ ସୌଜନ୍ଯ: ସମ୍ବାଦଦାତା, ମୟୂରଭଞ୍ଜ
ମୟୂରଭଞ୍ଜ ଜିଲ୍ଲାପାଳ ବିନିତ ଭରଦ୍ବାଜ କାର୍ଯ୍ୟାଳୟରେ ଅନୁପସ୍ଥିତ ଥିବା ବେଳେ, ଯଜ୍ଞେଶ୍ବର ଦାଶ ଏବଂ ବିରଞ୍ଚି ନାୟକ ମଦ୍ୟପାନ କରି ନିଜ ଭିତରେ ଗଣ୍ଡଗୋଳ କରିବା ସହ ଭଙ୍ଗାରୁଜା କରିଥିଲେ । ତେବେ ଜିଲ୍ଲାପାଳ କାର୍ଯ୍ୟାଳୟକୁ ଫେରିବା ପରେ ଏହି ଦୁଇ କର୍ମଚାରୀଙ୍କ ଏଭଳି କାଣ୍ଡ ଦେଖି ପୋଲିସ ନିକଟରେ ଏକ ଲିଖିତ ଅଭିଯୋଗ କରିଥିଲେ ।
ଏହାପରେ ବାରିପଦା ଟାଉନ ଥାନାର ଭାରପ୍ରାପ୍ତ ଅଧିକାରୀ ଦୁଇ ଜଣ ପିଅନଙ୍କୁ ଅଟକ ରଖିବା ସହ, ଏ ଘଟଣାର ତଦନ୍ତ କରୁଛନ୍ତି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
