ମାଲକାନଗିରି: ଲଗାଣ ବର୍ଷାରେ ବେହାଲ ମାଲକାନଗିରି । ଅଙ୍ଗନବାଡି କେନ୍ଦ୍ର ଭିତରେ ଓ ବାହାରେ ଆଣ୍ଠୁଏ ପାଣି ସହ ପଚ ପଚ କାଦୁଅ । ଏଭଳି ପରିସ୍ଥିତିରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି କୁନି କୁନି ପିଲା । ଏ ଦୃଶ୍ୟ ହେଉଛି ମାଥିଲି ବ୍ଲକ ଅନ୍ତର୍ଗତ ସାଲିମି ଗ୍ରାମରେ ଥିବା ଅଙ୍ଗନବାଡି କେନ୍ଦ୍ରର । ଯେଉଁଠାରେ ମୌସୁମୀ ବର୍ଷା ପାଣିରେ ବୁଡି ରହିଛି ପିଲାଙ୍କ ଭବିଷ୍ୟତ ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଏହି ଅଞ୍ଚଳରେ ଲଗାଣ ବର୍ଷା ଯୋଗୁଁ ଅଙ୍ଗନବାଡି ଚତୁଃପାର୍ଶ୍ବରେ ଜମିଛି ଆଣ୍ଠୁଏ ଆଣ୍ଠୁଏ ପାଣି । ଏଥିସହ ପାଣି ଜମା ହୋଇ ରହିଥିବାରୁ ଅସ୍ବାସ୍ଥ୍ୟକର ପରିବେଶରେ ପିଲାମାନଙ୍କ ପାଇଁ ତିଆରି ହେଉଛି ମଧ୍ୟାହ୍ନ ଭୋଜନ । ଏହି ଘଟଣାକୁ ନେଇ ଏନେକ ଦିନ ବିତିଥିବା ସତ୍ତ୍ବେ ପ୍ରଶାସନ ନେଇ ନାହିଁ କୌଣସି ପଦକ୍ଷେପ ।
ଦେଖିବାକୁ ବାକି ରହିଲା ଜଳବନ୍ଦୀରୁ କେବେ ମୁକୁଳୁଛି ଅଙ୍ଗନବାଡି ଓ କେବେ ମୁକୁଳୁଛନ୍ତି ପିଲାଏ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
