ମାଲକାନଗିରି: ଗଞ୍ଜେଇ ଜବତ ବେଳେ ମହିଳାଙ୍କୁ ଏସଡିପିଓଙ୍କ ମାଡ଼ ଦେବା ଘଟଣା । ଏହାକୁ ନେଇ ଚିତ୍ରକୋଣ୍ଡା ଏସଡିପିଓ ଅଂଶୁମାନ ଦ୍ବିବେଦୀଙ୍କ ବିରୁଦ୍ଧରେ ଚିତ୍ରକୋଣ୍ଡା ଥାନାରେ ଦୁଇଟି ମାମଲା ରୁଜୁ ହେଇଛି । ଜିଆର କେସ୍ ନମ୍ବର 468 ଓ 469ରେ ଆଇପିସିର ଧାରା 294, 323, 506, 354, 458, 460 ଓ 34 ସହ SC ST ଆଇନ ଅନୁଯାଇ ଏହି ମାମଲା ଗୁଡିକ ରୁଜୁ ହୋଇଛି ।
ସୂଚନା ଅନୁଯାୟୀ, ମାଲକାନଗିରି RAC13 ଗ୍ରାମରେ ରାତି ଅଧିଆ ଗଞ୍ଜେଇ ଜବତ ବେଳେ ଏସଡିପିଓ ଅଂଶୁମାନ ଦୁଇ ମହିଳାଙ୍କୁ ମାଡ଼ ମାରିବା ସହ ଦୁର୍ବ୍ୟବହାର କରିଥିଲେ । ଏହି ଘଟଣାରେ ପରେ ସେ ଖୁବ୍ ବିବାଦୀୟ ହୋଇପଡିଥିଲେ । ଏହାପରେ ଦୁର୍ବ୍ୟବହାରର ଶିକାର ହୋଇଥିବା ସମ୍ପୃକ୍ତ ଦୁଇ ମହିଳାଙ୍କ ଅଭିଯୋଗ ଆଧାରରେ ଅଂଶୁମାନ ଦ୍ବିବେଦୀଙ୍କ ବିରୁଦ୍ଧରେ ଏତଲା ରୁଜୁ କରିବା ଲାଗି ଚିତ୍ରକୋଣ୍ଡା ଥାନାକୁ ନିର୍ଦ୍ଦେଶ ଦେଇଥିଲେ ମାଲକାନଗିରି ଏସଡିଜେଏମ କୋର୍ଟ ।
ଇଟିଭି ଭାରତ, ମାଲକାନଗିରି
