ମାଲକାନଗିରି: ଜିଲ୍ଲାର ବଣ୍ଡାଘାଟିରେ ଶନିବାର ସଡ଼କ ଦୁର୍ଘଟଣା। କମାଣ୍ଡର ଗାଡି ଓଲଟି 4 ଜଣ ଗୁରୁତର ଆହତ ହୋଇଛନ୍ତି । ତେବେ ଗୁରୁତରଙ୍କ ମଧ୍ୟରେ ଥିବା ଜଣେ ପ୍ରସୂତି ମହିଳାଙ୍କ ଗୋଡ଼ କଟି ଯାଇଥିବା ବେଳେ ସମସ୍ତଙ୍କୁ ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଖଇରପୁଟରୁ ବଣ୍ଡାଘାଟିର ମୁଦୁଲିପଡାକୁ ପିକଅପ ଭ୍ୟାନରେ ଯିବା ସମୟରେ କୌଣସି କାରଣରୁ ଗାଡିଟି ଭାରସାମ୍ୟ ହରାଇ ଓଲଟି ପଡିଥିଲା । ତେବେ ଏଥିରେ ଯାତ୍ରା କରୁଥିବା ଲୋକମାନେ ଗୁରୁତର ଆହତ ହୋଇଛନ୍ତି । ତୁରନ୍ତ ଆମ୍ବୁଲାନ୍ସ ଯୋଗେ ପ୍ରାଥମିକ ଚିକିତ୍ସା ପାଇଁ ସମସ୍ତଙ୍କୁ ଖଇରପୁଟ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
କିନ୍ତୁ ଗୁରୁତରଙ୍କ ମଧ୍ୟରେ ଥିବା ପ୍ରସୂତି ମହିଳାଙ୍କ ଗୋଡ଼ କଟି ଯାଇ ଥିବାରୁ ତାଙ୍କୁ ସଙ୍କଟାପନ୍ନ ଅବସ୍ଥାରେ କୋରାପୁଟ ମେଡିକାଲକୁ 108 ଯୋଗେ ପଠାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
