ମାଲକାନଗିରି: ଜିଲ୍ଲାରେ ଚିକିତ୍ସାଧୀନ ଅବସ୍ଥାରେ ଜଣେ କଏଦୀଙ୍କ ମୃତ୍ୟୁ ହୋଇଛି । କଏଦୀଙ୍କ ଜଣକ ହେଲେ ରାମା ମାଡକାମୀ । ସ୍ତ୍ରୀକୁ ହତ୍ୟା କରିଥିବା ଅଭିଯୋଗରେ ବିଚାରଧୀନ କଏଦୀ ଭାବରେ ରହିଥିଲେ ।
ସୂଚନାଅନୁସାରେ, ଗତ 6 ତାରିଖରେ କଏଦୀ ଜଣଙ୍କ ଦେହ ଖରାପ ହୋବାରୁ ସେ ମାଲକାନଗିରି ମେଡିକାଲରେ ଭର୍ତ୍ତି ହୋଇଥିଲେ । ସେ ମଧୁମେହ ଓ ଟିଭି ରୋଗରେ ଆକ୍ରାନ୍ତ ଥିଲେ । ରବିବାର ବିଳମ୍ବିତ ରାତିରେ କଏଦୀ ରାମ ମାଡକାମୀଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଏ ସମ୍ପର୍କରେ ପରିବାର ଲୋକ କିମ୍ବା ଜେଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ।
ଘଟଣାସ୍ଥଳରେ ମାଲକାନଗିରି ଟାଉନ ପୋଲିସ ପହଞ୍ଚି ମୃତଦେହ ବ୍ୟବଚ୍ଛେଦ କରିବା ପରେ ପରିବାରଙ୍କୁ ହସ୍ତାନ୍ତର କରାଯିବ ବୋଲି ଆଇଆଇସି ରାମ ପ୍ରସାଦ ନାଗ କହିଛନ୍ତି। ଗତ ଏକ ମାସ ଭିତରେ ମାନକାନଗିରି ଜେଲରେ ଏହି ଘଟଣାକୁ ମିଶାଇ ମୋଟ 4ଜଣ କଏଦୀଙ୍କ ମୃତ୍ୟୁ ହୋଇଛି । ମୃତ କଏଦୀ ଜଣକ ଗତ 2019 ମସିହାରୁ ମାଲକାନଗିରି ଉପକାରାଗାରରେ ନିଜ ସ୍ତ୍ରୀକୁ ହତ୍ୟା ଅଭିଯୋଗରେ ବିଚାରଧୀନ କଏଦୀ ଭାବେ ରହୁଥିଲେ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
