ମାଲକାନଗିରି: ସହରରେ ବିକ୍ରି ହେଉଛି ପ୍ଲାଷ୍ଟିକ ଅଣ୍ଡା । ଏହି ଅଭିଯୋଗ ଆସିଛି ସହରର ହାଇଟେକ କଲୋନୀରୁ । ଅଭିଯୋଗ ଆସିବା ପରେ ସ୍ବାସ୍ଥ୍ୟ ବିଭାଗ ପକ୍ଷରୁ ସହରର ବିଭିନ୍ନ ଅଣ୍ଡା ଦୋକାନରେ ଚଢାଉ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ସୂଚନା ଅନୁସାରେ, ସହରର ହାଇଟେକ କଲୋନୀରେ ରହୁଥିବା ଦିଗମ୍ବର ବେହେରା ଘର ପାଖ ଦୋକାନରୁ ଅଣ୍ଡା କିଣିଥିଲେ । ହେଲେ ତାଙ୍କ ମା ଏହାକୁ ରୋଷେଇ କରିବା ପାଇଁ ଭାଙ୍ଗିବା ପରେ ଏହା ଭିତରେ ଥିବା କେଶର ତରଳ ରହିବା ପରିବର୍ତ୍ତେ ବେଲୁନ ପରି ରହିଥିବା ଦେଖିବାକୁ ମିଳିଥିଲା । ଏହାକୁ ପ୍ଲାଷ୍ଟିକ ଅଣ୍ଡା ସନ୍ଦେହ କରି ଗଣମାଧ୍ୟମକୁ ଖବର ଦେଇଥିଲେ ଦିଗମ୍ବର ।
ଏହାପରେ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ଅଣ୍ଡା ଦୋକାନରେ ଚଢାଉ କରାଯାଇଛି । ଏହାପରେ ଅଣ୍ଡା ଗୁଡିକର ସାମ୍ପୁଲ ଗୁଡିକୁ ପରୀକ୍ଷା ପାଇଁ ପଠାଯାଇଛି । ଏହି ଘଟଣାପରେ ମାଲକାନଗିରିରେ ଅଣ୍ଡା ଖାଇବାକୁ ଲୋକଙ୍କ ମଧ୍ୟରେ ଭୟ ଦେଖାଦେଇଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
