ମାଲକାନଗିରି: ଉପଜିଲ୍ଲାପାଳଙ୍କ ପ୍ରତିଶୃତି ପରେ ଆନ୍ଦୋଳନରୁ ଓହରିଲେ ସ୍ବାଭିମାନ ଅଞ୍ଚଳବାସୀ । ମାସକ ମଧ୍ୟରେ ସମସ୍ତ ସମସ୍ୟାର ସମାଧାନ କରିବେ ବୋଲି କହିଛନ୍ତି ମାଲକାନଗିରି ଉପଜିଲ୍ଲାପାଳ । ଗତକାଲି ଲଞ୍ଚ ଯୋଗେ ବିଚ୍ଛିନ୍ନାଞ୍ଚଳର 6ଟି ପଞ୍ଚାୟତର ଶତାଧିକ ଗ୍ରାମବାସୀ ଚିତ୍ରୋକୋଣ୍ଡାରେ ପହଞ୍ଚିଥିଲେ । କିନ୍ତୁ ରବିବାର ଥିବାରୁ ଜିଲ୍ଲାପାଳଙ୍କ ସହ ସାକ୍ଷାତ କରିପାରିନଥିଲେ । ଫଳରେ ଆଜି ଉପଜିଲ୍ଲାପାଳଙ୍କୁ ଭେଟି ନିଜର ଦାବି ଉପସ୍ଥାପନା କରିବା ପରେ ସମାଧାନର ପ୍ରତିଶୃତି ମିଳିଛି ।
ଯାହାକୁ ନେଇ ବିଚ୍ଛିନ୍ନାଞ୍ଚଳବାସୀ ବାରମ୍ବାର ଜିଲ୍ଲା ପ୍ରଶାସନକୁ ଜଣାଇ ଆସୁଥିଲେ । କିନ୍ତୁ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଉନଥିଲା । ଫଳରେ ବାଧ୍ୟ ହୋଇ ଜିଲ୍ଲପାଳ ନିକଟରେ ନିଜର ଦାବି ଜଣାଇବାକୁ ଚିତ୍ରକୋଣ୍ଡାରେ ପହଞ୍ଚିଥିଲେ ଗ୍ରାମବାସୀ । ତେବେ ଗୋଟିଏ ଦିନର ଅପେକ୍ଷା ପରେ ଉପଜିଲ୍ଲାପାଳଙ୍କ ଠାରୁ ମିଲିଛି ପ୍ରତିଶୃତି । କିନ୍ତୁ ସରକାର ପ୍ରତିଶୃତି ହରାଇଲେ ଆଗାମୀ ଦିନରେ ଆନ୍ଦୋଳନ ଜୋରଦାର କରାଯିବ ବୋଲି ମଧ୍ୟ ଚେତାବନୀ ଦେଇଥିବାବେଳେ ବର୍ତ୍ତମାନ ଘରକୁ ଫେରିଛନ୍ତି ଗ୍ରାମବାସୀ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
