ମାଲକାନଗିରି: ପଞ୍ଚାୟତରାଜ ମନ୍ତ୍ରୀ ପୋଲ ଉଦଘାଟନ । ମାଲକାନଗିରି ଠାରୁ ଚିତ୍ରକୋଣ୍ଡା ଯୋଗାଯୋଗ କରୁଥିବା ରାସ୍ତାର ଏକ ଗୁରୁତ୍ବପୂର୍ଣ୍ଣ ବ୍ରିଜ ଓଡିଶା ସରକାରଙ୍କ ମନ୍ତ୍ରୀ ପ୍ରତାପ ଜେନା ଉଦଘାଟନ କରିଛନ୍ତି ।
ମାଲକାନଗିରି ଗସ୍ତରେ ଆସିଥିବା ଓଡିଶା ସରକାରଙ୍କ ମନ୍ତ୍ରୀ ପ୍ରତାପ ଜେନା ମାଲକାନଗିରି ଠାରୁ ଚିତ୍ରକୋଣ୍ଡା ମୁଖ୍ୟ ରାସ୍ତାର MV 11 ଗ୍ରାମ ନିକଟରେ ନୂତନ ଭାବରେ ନିର୍ମିତ ହୋଇଥିବା 4କୋଟି 20 ଲକ୍ଷ ଟଙ୍କା ବ୍ୟୟ ଅଟକଳ ର ଏକ ବ୍ରିଜକୁ ଉଦଘାଟନ କରିଛନ୍ତି । ବର୍ଷା ଦିନରେ ତଳୁଆ ବ୍ରିଜ ହୋଇଥିବାରୁ ଉପରେ ପାଣି ଯାଉଥିଲା ଯାହା ଫଳରେ ଲୋକେ ବହୁ ଅସୁବିଧା ସମ୍ମୁଖୀନ ହେଉଥିଲେ । ଏହି ପୋଲ ହେବା ପରେ ଏହି ଅଞ୍ଚଳର ଲୋକଙ୍କୁ ଆଉ ବନ୍ୟା ପରିସ୍ଥିତି ସାମ୍ନା କରିବାକୁ ପଡିବ ନାହିଁ ।
ସେହିଭଳି କୋରକୋଣ୍ଡା ଠାରେ ଏବଂ MV- 37 ଠାରେ ଅନ୍ୟ ଦୁଇଟି ବ୍ରିଜ ଚାଲୁ ରହିଛି । ଆଗାମୀ ଦିନରେ ଏହି ବ୍ରିଜ ସଂପୂର୍ଣ୍ଣ ହେଲେ ମାଲକାନଗିରି ଠାର ବାଲିମେଳା ମୁଖ୍ୟ ରାସ୍ତାରେ ବର୍ଷା ଦିନରେ ଆଉ ଲୋକଙ୍କୁ ଅସୁବିଧା ଭୋଗିବାକୁ ପଡ଼ିବ ନାହିଁ । ପୂର୍ବରୁ ରାସ୍ତା ଘାଟ ଜଳମଗ୍ନ ହୋଇ ମାଲକାନଗିରି ଜିଲ୍ଲା ବାହ୍ୟଜଗତରୁ ସଂପୂର୍ଣ୍ଣ ବିଛିନ୍ନ ହେଉଥିବା ବେଳେ ଲୋକେ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିଲେ । ଏହି ବ୍ରିଜ ବର୍ତ୍ତମାନ ଲୋକଙ୍କୁ ସହାୟତା ହୋଇପାରିବ ।
ମାଲକାନଗିରିରୁ ଦେବଦତ୍ତ ବେହେରା,ଇଟିଭି ଭାରତ
