ମାଲକାନଗିରି: ଅନ୍ଧବିଶ୍ଵାସର କରୁଣ ପରିଣତି । ମାଲକାନଗିରି ଜିଲ୍ଲାରେ ଗଡିଲା ମୁଣ୍ଡ । ଗୁଣିଗାରେଡି ସନ୍ଦେହରେ ଜଣେ ବ୍ୟକ୍ତିଙ୍କୁ ପିଟି ପିଟି ହତ୍ୟା କରିଲେ ଗ୍ରାମବାସୀ । ଏଭଳି ଅଭାବନୀୟ ଘଟଣା ଘଟିଛି ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ କାଙ୍ଗୁରୁକୁଣ୍ଡା ଗାଁରେ । ମୃତ ବ୍ୟକ୍ତି ଜଣକ ହେଲେ ପଦିଆ ମାଡକାମୀ । ଗୁଣିଗାରେଡିକୁ କେନ୍ଦ୍ରକରି ଆମାନୁଷିକ ଭାବେ ହତ୍ୟା କରିଛନ୍ତି ଗ୍ରାମବାସୀ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।
ଅନ୍ଧବିଶ୍ଵାସର ଅନ୍ଧଗଳିରେ ମନୁଷ୍ୟ, ଗୁଣି ଗାରେଡି ସନ୍ଦେହରେ ପିଟିପିଟି ହତ୍ୟା
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
