ମାଲକାନଗିରି: ମୋଟୁ ଥାନା ଅଞ୍ଚଳରେ ନାବାଳିକା ଛାତ୍ରୀଙ୍କୁ ଦୁଷ୍କର୍ମ କରିଥିବା ଅଭିଯୋଗରେ ଜଣେ ପୂର୍ବତନ ଶିକ୍ଷକଙ୍କୁ ଗିରଫ କରାଯାଇଛି । ଗିରଫ ପରେ ତାଙ୍କୁ କୋର୍ଟ ଚାଲାଣ କରାଯାଇଛି । ଅଭିଯୁକ୍ତଙ୍କ ନାମ ବକୁଲ ମିର୍ଧା ହୋଇଥିବା ବେଳେ ସେ ଛାତ୍ରୀ ପଢୁଥିବା ବିଦ୍ୟାଳୟରେ ପୂର୍ବରୁ ଶିକ୍ଷକ ରହିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ସୂଚନା ଅନୁସାରେ, ଅଭିଯୁକ୍ତ ପୂର୍ବତନ ଶିକ୍ଷକ ଜଣକ ପାଠ ପଢାଇବା ନାଁରେ ନାବାଳିକା ଛାତ୍ରୀଙ୍କୁ ନିଜ ଘରକୁ ଡକାଇଥିଲେ । ଏହାପରେ ଦୁଇ ଦିନ ଧରି ଛାତ୍ରୀଙ୍କୁ ଦୁଷ୍କର୍ମ କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ମାଲକାନଗିରି ଏସପିଙ୍କ ନିର୍ଦ୍ଦେଶ କ୍ରମେ ମୋଟୁ ଥାନା ପୋଲିସ ଅଭିଯୁକ୍ତ ବକୁଲ ମିର୍ଧାଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
