ମାଲକାନଗିରି: ପରିତ୍ୟକ୍ତ ଅବସ୍ଥାରେ ଶିଶୁକନ୍ୟା ଉଦ୍ଧାର କରାଯାଇଛି । ଘଟଣାଟି ଘଟିଛି ମାଲକାନଗିରି ଜିଲ୍ଲା ମାଥିଲି ବ୍ଲକ ଟେମୁରପାଲ୍ଲଲି ଅଞ୍ଚଳରେ ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଜଣେ ନାବାଳିକା ଏହି ଶିଶୁକନ୍ୟାକୁ ଜନ୍ମ ଦେଇଥିଲା । ମାତ୍ର ତାର ରକ୍ଷଣାବେକ୍ଷଣା ପାଇଁ ନାବାଳିକାର କେହି ସମ୍ପର୍କୀୟ ନଥିବାରୁ ସେ ତାକୁ ଛାଡି ଚାଲିଯାଇଥିଲା । ପରେ ଜିଲ୍ଲା ସ୍ବାସ୍ଥ୍ୟ ବିଭାଗ ଶିଶୁଟିକୁ ଉଦ୍ଧାର କରି ଶିଶୁ ମଙ୍ଗଳ କମିଟିକୁ ହସ୍ତାନ୍ତର କରିଥିଲେ । ଗୋଟିଏ ସପ୍ତାହ ଧରି ଶିଶୁ ମଙ୍ଗଳ କମିଟି ଜିଲ୍ଲା ସଦର ଚିକିତ୍ସାଳୟର ଏସଏନସିୟୁରେ ଶିଶୁର ଚିକିତ୍ସା କରିବା ପରେ ଆଜି ନବରଙ୍ଗପୁରର ସ୍ପେଶାଲ ଆଡପ୍ସନ ଏଜେନ୍ସିକୁ ହସ୍ତାନ୍ତର କରିଛି ।
ସୂଚଚନାଯୋଗ୍ୟ, ପୂର୍ବରୁ ଏହି ସଂସ୍ଥା ମାଲକାନଗିରି ଜିଲ୍ଲାର ଅନେକ ଅନାଥ ଶିଶୁଙ୍କୁ ପାଳିଛି । ଉଦ୍ଧାର ହୋଇଥିବା ଏହି ଶିଶୁକନ୍ୟା ପାଇଁ ମଧ୍ୟ ଉତ୍ତମ ବ୍ୟବସ୍ଥା କରାଯିବ ବୋଲି ସଂସ୍ଥାର ମୁଖ୍ୟ କହିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
