ମାଲକାନଗିରି: ଜିଲ୍ଲାର ମାଲକାନଗିରି ଥାନା ଅନ୍ତର୍ଗତ କୋରୁକୋଣ୍ଡା ସୁଳିଆ କଲୋନୀ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଟିପ୍ପର ସହ ବାଇକ ମୁହାଁମୁହିଁ ଧକ୍କା ହୋଇ 2 ଜଣଙ୍କର ମୃତ୍ୟୁ ହୋଇଛି ।
ମାଲକାନଗିରି ଟିପ୍ପର ସହ ବାଇକ ମୁହାଁମୁହିଁ, 2 ମୃତ
ସୂଚନା ଅନୁଯାୟୀ, କୋରୁକୋଣ୍ଡା ନିକଟରେ ଥିବା ସୁଳିଆ କଲୋନୀ ପାଖରେ ଏକ ଟିପ୍ପର ସହ ଏକ ବାଇକର ସାମ୍ନାସାମ୍ନି ଧକ୍କା ହୋଇଥିଲା । ଘଟଣାସ୍ଥଳରୁ ସୋମନାଥ ନାମକ ଜଣେ ବ୍ୟକ୍ତି ପହଞ୍ଚି ଏକ ସରକାରୀ ଗାଡିରେ ସେମାନଙ୍କୁ ମେଡିକାଲକୁ ଆଣିଥିଲେ । ମେଡିକାଲ ଆସିବା ବାଟରେ 2 ବାଇକ ଆରୋହୀଙ୍କ ମୃତ୍ୟୁ ହୋଇଛି । ଏ ପର୍ଯ୍ୟନ୍ତ 2 ବାଇକ ଆରୋହୀଙ୍କ ପରିଚୟ ମିଳିପାରି ନାହିଁ ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
