ମାଲକାନଗିରି: ଡିଭିଏଫ ଯବାନଙ୍କ ବଦାନ୍ୟତା । ମାଲକାନଗିରି ଜିଲ୍ଲାର ମାଥିଲି ବ୍ଲକ ଅନ୍ତର୍ଗତ କମାରପାଲୀ ଅଞ୍ଚଳରେ ଏକ ଜନ ସଂପର୍କ ଶିବିର ଅନୁଷ୍ଠିତ ହେବାକୁ ଥିବା ବେଳେ ଗାଁରେ ପ୍ରଚାର କରାଯାଉଥିଲା । ଯବାନଙ୍କ ପକ୍ଷରୁ ଗାଁକୁ ଗାଁ ବୁଲି ଲୋକଙ୍କୁ ଏନେଇ ସଚେତନ କରାଉଥିଲେ ।
ଡିଭିଏଫ ଯବାନଙ୍କ ମହାନତା
ତେବେ ଠିକ୍ ଏତିକି ବେଳେ କମାରପାଲୀ ଗ୍ରାମର ଆପୁ ପଡିଆମି ନାମକ ବୃଦ୍ଧ ରୋଗାଗ୍ରସ୍ତ ହୋଇ ଯନ୍ତ୍ରଣାରେ ଛଟପଟ ହେଉଥିଲେ । ଏହା ଦେଖି ଡିଭିଏଫ ଯବାନ ତୁରନ୍ତ ବୃଦ୍ଧଙ୍କୁ ସହଯୋଗ କରିବା ପାଇଁ ବାହାରି ପଡିଥିଲେ । ଏପଟେ ସହଯୋଗ ଲାଗି ଯବାନଙ୍କ ପାଖରେ ଗାଡି ନଥିଲା ।
ସୁରକ୍ଷା ବାହିନୀଙ୍କ ଗାଡି ପ୍ରାୟ ୨ କିଲୋମିଟର ଦୂରରେ ସେମାନଙ୍କର ଗାଡି ରହିଥିବା ବେଳେ ବୃଦ୍ଧଙ୍କୁ ଏକ ଖଟିଆରେ ବୋହି ନେଇ ଗାଡି ପର୍ଯ୍ୟନ୍ତ ନେଇଥିଲେ । ଏହାପରେ ବୃଦ୍ଧଙ୍କୁ ମାଥିଲି ମେଡିକାଲକୁ ନେଇ ଚିକିତ୍ସାରେ ସହଯୋଗ କରାଇଥିଲେ ଯବାନ । ଏପଟେ ଯବାନଙ୍କ ଏହି ମହାନତା ପାଇଁ ପରିବାର ଏବଂ ଗ୍ରାମବାସୀ ପ୍ରଶଂସା କରିଥିଲେ ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
