ମାଲକାନଗିରି: ଜିଲ୍ଲା କାଲିମେଳା ଅଞ୍ଚଳରୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ ହୋଇଛି । ବିସ୍ଫୋରକ ସାମଗ୍ରୀ ଗୁଡିକୁ ବିଏସଏଫ ପକ୍ଷରୁ ଜବତ କରିଥିବା ଜଣାପଡିଛି ।
କାଲିମେଳା ବଜାର ଓ ନିକଟବର୍ତ୍ତୀ ଅଞ୍ଚଳରେ ସର୍ଚ୍ଚ ଅପରେସନ କରାଯାଉଥିବାବେଳେ କାଲିମେଳା ପେଟ୍ରୋଲ ପମ୍ପ ନିକଟରେ ଥିବା ଏକ ପୋଖରୀ ହୁଡ଼ାରୁ ପ୍ରାୟ ୧୨୦୦ଟି ଡିଟୋନେଟର ବିଏସଏଫ ବାହିନୀ ପକ୍ଷରୁ ଜବତ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଜବତ ଡିଟୋନେଟର ଆନୁମାନିକ ମୂଲ୍ୟ ପ୍ରାୟ ୧୫ ଲକ୍ଷ ଟଙ୍କା ହେବା ନେଇ ଜଣାପଡିଥିବାବେଳେ ମାଓବାଦୀ କିମ୍ବା କେହି ଦୁର୍ବୃତ୍ତଙ୍କ ଦ୍ଵାରା ଏହି ଡିଟୋନେଟର ଲୁଚାଇ ରଖାଯାଇଥିବା ଅନୁମାନ କରାଯାଉଛି । ତେବେ ପ୍ରକୃତରେ କିଏ ଏତେ ପରିମାଣର ଡିଟୋନେଟର ରଖିଥିଲା, ସେ ନେଇ ବର୍ତ୍ତମାନ ତଦନ୍ତ ଜାରି ରହିଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
