ମାଲକାନଗିରି: ଜିଲ୍ଲା ପୋଲିସକୁ ସଫଳତା । ପୋଲିସ ହାତରେ ଧରାପଡିଛି ସାଇବର ଲୁଟେରା । ଦୀର୍ଘ ଦିନ ଧରି ଅନଲାଇନ ମାଧ୍ୟମରେ ଲୋକଙ୍କୁ ଚଖମା ଦେଖାଇ ଲୁଟି ଚାଲିଥିଲା ଅପରାଧି ।
ସାଇବର ଅପରାଧୀ ସୁପ୍ରଭାତ ମହାପାତ୍ରକୁ ସତ୍ୟବାଦୀ ଅଞ୍ଚଳରୁ ଗିରଫ କରିଛି ପୋଲିସ । ଜିଲ୍ଲା ଏସପିଙ୍କ ନିର୍ଦ୍ଦେଶ କ୍ରମେ ଏକ ସ୍ବତନ୍ତ୍ର ଟିମ୍ ସୁପ୍ରଭାତଙ୍କୁ ଗିରଫ କରିଛି । ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଏସପି ଜଗମୋହନ ମିନା ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ତେବେ ସୁପ୍ରଭାତ ନାମରେ ବିଭିନ୍ନ ଥାନାରେ 6ଟି ମାମଲା ରହିଛି । ସେ ଲୋକଙ୍କୁ ପ୍ରଲୋଭନ ଦେଖାଇ ଚତୁରତାର ସହ ଏଟିଏମ ପିନ ନେଇ ଟଙ୍କା ଲୁଟ୍ କରୁଥିଲା । ଏହି କାମରେ ତାକୁ ଝାଡଖଣ୍ଡର ବହୁ ଲୁଟେରା ସାହାଯ୍ୟ କରୁଥିଲେ । ସେମାନଙ୍କ ସହ ମିଶି ସେ ଅନେକ ଲୁଟ୍ କରିଥିବା ମଧ୍ୟ ଜଣାପଡିଛି । ସୁପ୍ରଭାତ ନିକଟରୁ 2 ଲକ୍ଷ 6 ହଜାରରୁ ଟଙ୍କା ଊର୍ଦ୍ଧ୍ବ ଜବତ ହୋଇଥିବା ନେଇ ଏସପି ସୂଚନା ଦେଇଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
