ମାଲକାନଗିରି: ଗୁଣି ଗାରେଡି ସନ୍ଦେହରେ 2 ଜଣଙ୍କୁ ହତ୍ୟା ଅଭିଯୋଗ । ମାଲକାନଗିରି ଥାନା ଅନ୍ତର୍ଗତ ଚାଲାଣଗୁଡା ପଞ୍ଚାୟତର ପେଣ୍ଡାଲଗୁଡ଼ା ଗ୍ରାମରେ ଘଟିଛି ଏହି ହତ୍ୟାକାଣ୍ଡ । ତେବେ ଗାଁର ଗୋଟିଏ ପରିବାରର ଉଭୟ ସ୍ବାମୀ ଓ ସ୍ତ୍ରୀଙ୍କୁ ହତ୍ୟା କରାଯାଇଛି । ମୃତକ ଦୁଇଜଣ ହେଲେ ସୋମା ମାଡି ଓ ତାଙ୍କ ସ୍ତ୍ରୀ ସୁକ୍ରି ମାଡି ।
ସୂଚନା ମୁତାବକ ଶୁକ୍ରବାର ରାତିରେ ଏହି ଘଟଣା ଘଟିଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଉଭୟଙ୍କ ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ଘଟଣାରେ ଦୁଇ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରାଯାଉଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
