ମାଲକାନଗିରି: ଜିଲ୍ଲାର ଆଦର୍ଶ ଥାନା ପରିସରରେ ଚାଇଲ୍ଡ ଫ୍ରେଣ୍ଡଲି ଥାନା ଉଦଘାଟିତ ହୋଇଯାଇଛି । ପୋଲିସ ପ୍ରତି ଛୋଟ ପିଲାଙ୍କ ମଧ୍ୟରେ ଥିବା ଭୟକୁ ଦୂର କରିବା ପାଇଁ ପ୍ରଶାସନ ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ରାଜେଶ ପଣ୍ଡିତ ଉପସ୍ଥିତ ରହି ଥାନାକୁ ଉଦ୍ଘାଟନ କରିଛନ୍ତି ।
ଥାନାକୁ ଅଭିଯୋଗ କରିବାକୁ ଆସୁଥିବା ଲୋକେ ଏଠାରେ ବିଶ୍ରାମ ନେବା ସହ ନିଜକୁ ସୁରକ୍ଷିତ ମନେ କରିବେ । ପୁଲିସ ତରଫରୁ ଅଭିଯାଗକାରୀମାନଙ୍କୁ ସମସ୍ତ ସୁବିଧା ସୁଯୋଗ ପ୍ରଦାନ କରାଯିବ । ଛୋଟ ପିଲାଙ୍କ ମନରୁ ପୋଲିସ ପ୍ରତି ଭୟକୁ ଦୂର କରିବା ଏବଂ ସେମାନଙ୍କୁ ଚାପମୁକ୍ତ କରିବା ଏହି ଥାନାର ମୂଳ ଉଦ୍ଦେଶ୍ୟ ବୋଲି କୁହାଯାଇଛି । ଲୋକେ ନିଜ ପିଲାଙ୍କୁ ନେଇ ମଧ୍ୟ ଏଠାକୁ ଆସି ପାରିବେ । ଥାନାରେ ପିଲାଙ୍କ ପାଇଁ ବିଭିନ୍ନ ପ୍ରକାରର ଖେଳନା, ବହି ତଥା ଅନ୍ୟାନ୍ୟ ସୁବିଧା ଉପଲବ୍ଧ ରହିଛି । ଏହି କାର୍ଯ୍ୟକ୍ରମରେ SP ନୀତିଶ ବାଧବାନୀ , ଅତିରିକ୍ତ SP ବଳଭଦ୍ର ଦୀପ, ଆଇଆଇସି ପ୍ରମୁଖ ଉପସ୍ଥିତ ଥିଲେ ।
ଇଟିଭି ଭାରତ, ମାଲକାନଗିରି
