ମାଲକାନଗିରି: ଦୁଇ ହାର୍ଡକୋର ମହିଳା ନକ୍ସଲ ନିହତ । ସୋମବାର ମାଲକାନଗିରି ଜିଲ୍ଲା ସୀମାନ୍ତ ଦନ୍ତେୱାଡାରେ ହୋଇଥିବା ଏନକାଉଣ୍ଟରରେ ଦୁଇ ମହିଳା ନକ୍ସଲ ନିହତ ହୋଇଥିବା ନେଇ ଛତିଶଗଡ ପୋଲିସ ପକ୍ଷରୁ ସୂଚନା ମିଳିଛି ।
ବାସ୍ତର ଇନସିପେକ୍ଟର ଜେନେରାଲ ପି.ସୁନ୍ଦରାଜଙ୍କ ସୂଚନା ମୁତାବକ, ଦୁଇ ମହିଳା ନକ୍ସଲଙ୍କ ମୃତଦେହ କୁଆକୋଣ୍ଡା ପୋଲିସ ଷ୍ଟେସନ ଅଞ୍ଚଳରୁ ଉଦ୍ଧାର ହୋଇଛି । କାଲୋପାଲ ଓ କାକାରି ଗାଁରେ ଏକ ବଡ ଧରଣର ମାଓ କ୍ୟାମ୍ପର ସୁରାଗ ପାଇଥିଲା ପୋଲିସ । ଏହା ପରେ ଦନ୍ତେୱାଡା ପୋଲିସ ଅପରେସନ ଆରମ୍ଭ କରିଥିଲା। ଜିଲ୍ଲା ସୁରକ୍ଷା ବାହିନୀ ଓ ନକ୍ସଲଙ୍କ ଭିତରେ ଗୁଳିବିନିମୟ ସମୟରେ ଦୁଇ ନକ୍ସଲ ନିହତ ହୋଇଥିବା ଜଣାପଡିଛି । ଏହା ସହିତ ପୋଲିସ ଗୁଳିର ସାମ୍ନା ନ କରି ପାରି ଛତ୍ରଭଙ୍ଗ ଦେଇଥିଲେ ମାଓବାଦୀ ସଂଗଠନ ।
ଘଟଣାସ୍ଥଳରୁ ବିପୁଳ ବିସ୍ପୋରକ ସାମଗ୍ରୀ ସହିତ ବନ୍ଧୁକ ଜବତ କରିଛି ସୁରକ୍ଷା ବାହୀନି । ନିହତ ନକ୍ସଲ ଦୁଇଜଣ ମଧ୍ୟରୁ ଆୟତ ମାନଦାବି ନକ୍ସଲ ସଂଗଠନରେ ମଖ୍ୟ ଥିଲାବେଳେ ଭିଜେ ମାରକମ ମାଲକାନଗିରି ଅଞ୍ଚଳର ନକ୍ସଲ ସଦ୍ୟସ ଥିଲା ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
