ମାଲକାନଗିରି: ମାଓବାଦୀ ଏନକାଉଣ୍ଟରରେ ଶହୀଦ ହେଲେ ମାଲକାନଗିରିର ଡିଭିଏଫ ଯବାନ ଜୟରାମ କବାସୀ । ତାଙ୍କର ଶହୀଦ ହେବା ପରେ ନିସ୍ତବ୍ଧ ହୋଇଥିଲା ମାଲକାନଗିରି ଜିଲ୍ଲା । ତାଙ୍କର ସ୍ମୁତି ଉଦ୍ଦେଶ୍ୟରେ ଜିଲ୍ଲା ପୋଲିସ ଓ ନାଗରିକ ସୁରକ୍ଷା ମଞ୍ଚ ପକ୍ଷରୁ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି ।
ଅଗଷ୍ଟ28ତାରିଖରେ ମାଲକାନଗିରି ଜିଲ୍ଲା ଡାବୁଗୁଡା ଠାରେ ହୋଇଥିବା ମାଓବାଦୀ ଏନକାଉଣ୍ଟରେ ଡିଭିଏଫ ଯବାନ ଜୟରାମ କବାସୀ ଶହୀଦ ହୋଇଥିଲେ । ଏସପି ହୃଷିକେଶ ଖିଲାରୀ ଯୋଗ ଦେଇ ଡି.ଏନ.କେ ଖେଳ ପଡିଆଠାରେ ଏହି ଶୋଭାଯାତ୍ରାର ଶୁଭାରମ୍ଭ କରିଥିଲେ । ପରେ ଏହି କ୍ୟାଣ୍ଡେଲ ଶୋଭାଯାତ୍ରାରେ ଜିଲ୍ଲା ପୋଲିସର ସମସ୍ତ କର୍ମଚାରୀଙ୍କ ସହ ମାଲକାନଗିରିର ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀ, ବୁଦ୍ଧିଜୀବୀ ଓ ଜିଲ୍ଲାର ସମସ୍ତ ସମାଜସେବୀ ସାମିଲ ହୋଇ ବସଷ୍ଟାଣ୍ଡସ୍ଥିତ ଆମ୍ବେଦକରଙ୍କ ପ୍ରତିମୂର୍ତ୍ତି ନିକଟକୁ ଯାଇଥିଲେ ।
ସେଠାରେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିବାବେଳେ ମାଲକାନଗିରି ଡିଏଫଓ ପ୍ରଦୀପ ମିରସେ ଯୋଗ ଦେଇ ବିର ସହୀଦ ଜୟରାମଙ୍କ ଆତ୍ମବଳି ଚୀର ସ୍ମରଣୀୟ ହୋଇ ରହିବ ବୋଲି କହିଥିଲେ । ଏହି କାର୍ଯ୍ୟକ୍ରମକୁ ମାଲକାନଗିରି ମଡେଲ ଥାନା ଅଧିକାରୀ ରାମ ନାଗ ପରିଚାଳନା କରିଥିଲେ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
